Pue A ce Pu ni thiva
Kerhümi pü Po ce kethezü. Pue za cüce mu Pue reni süce kesa sürü a küzüyita, süla pü renu thita lize cü yi mejüta. Pü dipü za retuyi veta zi ketso, mu kelakeyi teheo müsü die mu thüma mütü mhüjülü chozüko thitso die küla.
116 1I a Po khrüzo, kekrelamori Pue a füphra mu phimezhe la a krasefü reni. 2Pue a ce Pu ni thivalamori, I rhü keba the, Pu cü yito. 3Kesa sürü a küzüyita; meza kümüzhe a tüyita; thomelu mu kümüzhe a kuyite. 4Süsa I a Po za cü: “Apoo, I No ce mezhemelo, a kerhüro la süte!” 5ha Po ngokümüzhie zo, mu kemezi zo; ha Po phimezhe chupü zo. 6a Po-e kümülomiko fü ba; I renu thita lize, Pue a kelayi. 7Retute, a kerhüro, n kerelü ce, kekrelamori a Po-e no ce keve mama thizo. 8Kekrelamori Noe a kerhüro kesa celü, amhü mhüdzü celü, a phe miphe celü la süta. 9I kerhümi cejülü, a Po mhüjülü tayo. 10I melüyita, I posü sheri, “I kümüzhie mama yo”; 11A kere kolü I posü, “thüma mütü kücejü zo.” 12Pue a ce thiva keve mütü la, I a Po ce dipü za retuyi veta? 13I kelakeyi teheo müsü, mu a Po za cüyo. 14I Pu thüma mütü mhüjülü, a Po ce a chozüko thitso. 15Pu jüthozomiko kesao a Po ce püma kerü zo. 16A Po, I khrüzoyite n choyimi zo; I n choyimi zo, n choyi thünomi nuo zo. Noe a ropha khri süta. 17I No ce kümüza kereshü reshüto, mu a Po za cüyo. 18I Pu thüma mütü mhüjülü, a Po ce a chozüko thitso, 19a Po ki celü, no dolü, Jerusalem. Haleluya!
