David-e Saul thüza la kephola thi
Davide tütse thiri kemekre celü ha Po ce menyü, mu Saul Gibeonmiko dokhriva süo la zisü seo. Saul shuye thüma thüna gusüta. Rizpahe latürü vori tükhe uko tsa khonu mu mhako celü mühu; Davide Saul tsa züde uko mhü. Süsa Philistine kümüthami mipüe David dokhri lato.
Ha Po verse hilü po ba 1
21 1Tsühi David tüce tütse tha, tütse celü tütse, kemekre bata; süla David-e hio la ha Po ce menyüta. Sidie ha Poe poti, “Saul mu pü ki lü thüza bazo, kekrelamori pü Gibeonmiko dokhri vata.”
2Süla kedeoe Gibeonmiko cüsü die ukoce poti. (Gibeonmiko Israelmi mozo vele Amormiko mehakhi zo; Israelmiko uko kelayi de reshu kesü bata, vele Saul, Israel mu Judah la keni mezüri kebao, uko dokhri va keto rhü bata.). 3David-e Gibeonmiko ce poti, “I neko la dipü thiyi veta? I dibi die kephoma vayi thi size neko ha Po thümako tsüyi ketola?”
4Gibeonmiko poti, “Hani mu Saul mori pü ki hunehu rüka mori suna la mozo, mu hako Israel lü mipüri dokhri va keto reshu bamo.” David-e poti, “Neko mha kehopüri poyo, I neko la thiyi süto.”
5Uko kedeo ce poti, “Hako vava die hako toshi küti rhü kebao mipü, size hako Israel taralü mha kehopü lü sheri ba reyi ho mo ketola, 6pü ye thüma thüna hako ce prüte, mu hako uko Saul Gibeah lü, Niepoo mhüjü, gusüto, Niepoo chosü.” Kedeoe poti, “I uko prüto.”
7Vele kedeoe Mephibosheth, Jonathan nu, Saul nu, kelasü, kekrelamori David mu Jonathan, Saul nu, hunehu ha Po mhüjü reshu kesü bata. 8Vele kedeoe Armoni mu Mephibosheth, Aiah theno Rizpah-e Saul ce menupü nu kena, mu Saul theno Merab-e Meholathmi Barzillai nu Adriel ce menupü nu püngu, tüsü. 9Pue uko Gibeonmiko ce prüsü, uko cejütu lü, ha Po mhüjü, gu kesü; thüna metü hani tsüta. Uko mhapo keyi tüso theralü, chü keyi vori kezüce, dokhri vata.
10Sidie Aiah theno Rizpah-e gakhrofü züsü, mu ketsü cejü lü phrasü, mhapo keyi vori kezü celü, pütsü lü türü shü hole; nha pü türako keshü, tüzü gu ketako keshü. a a v10 Gakhrofü hio keku, zübü füne zo, kemezhe mu thekri ngometseyi ketola khüne thipü füne thizo. 11Aiah theno Rizpah, Saul kemeyi theno, mha thipü David ce posü lize, 12pü Jabesh-gilead thümako ce vota, mu Saul mu pü nu Jonathan uroko tüsü, süko uko Beth-shan kada celü kemekhrülü khiva kesü, süce Philistinmiko Gilboa lü Saul dokhri vapü nha gu kesüo. 13Pue süce celü Saul uroko mu pü nu Jonathan uroko khosü, mu uko gu kesü thümako uroko künguyi. 14Uko Saul mu pü nu Jonathan uroko Benjamin tara Zela lü, pü po Kish mhakhre lü, khrüva, mu kedeoe tsüsü mha metü thita. Hisao lü, ha Poe cejü la prayi rünyi kesü.
David thipahemiko Philistin kezho thümako meni
15Lasü Philistinmiko mu Israel hunehu theri vorita. David pü roküneko zü Philistinmiko theri la tasü, mu pü revü hota. 16Ishbi-benob, Raphü yemi, pü püngu pitol pi thüna mu kena meshi bapü, mu sükho ketsüpü khüne thipü, David mhathi süyi keta. b b v16 Raphü hio kezho kemere thipü thipahe shuye upotsa zo — Philistinmiko dolü theri kesü kezho thümako. 17Vele Zeruiah nu Abishai David la choyi vori die, Philistinmi mhathi sü die dokhri vasü. Sidie David thümako puce reshu kesü, “No lasü hako zü theri la ta tahite, molize no Israel püsü mhoyi süto.”
18Hisao lü lasü Gob lü Philistinmiko zü theri vorita. Hushimi Sibbecai-e Saph, Raphü yemi dolü mipü, mhathi sü dokhri vasü. 19Gob lü Philistinmiko zü theri lasü vorita, süce Bethlehem mi Jaare-oregim nu Elhanan-e Goliath Gittite dokhri vasü, pü püngu rü mha khrü keyimi sü bi bapü. 20Gath lü theri lasü vorita, süce kezho thüma mipü, pü be metülü becine shurü, pü phe metülü phecine shurü — metü hani mecü mu kada — bapü; pü sheri Raphü la menuyi kesüo zo. 21Mu pü Israel kenga lize, David sazü Shimei nu Jonathan-e pü mhathi sü dokhri vasü. 22Hiko kada Gath lü Raphü celü vori kesüo zo, mu David mu pü roküneko bece tsüta.
