Dharkatwui Vang Laa Akha
Laa akha. Shim dharkatwui vang laa akha. Davidwuina.
Khayākhui kahai thuishurda shim dharkatwui vang kasā laa. Ot phāda lei tharan I khipākha mangatha̱lakmara da phaningkahai David na hāngphata, chieina awui Avāwui mai ngathumhaowa. Leipāna nali masot maparra da ana hānga, kala sikafa kashankachon ringphā eina onhaida zakpha̱a.
30 1Ina nali masot chikatra, iwui Avā, kaja nana ili khāngkaihaira, kala iwui yangkashebingli iwuitungli mamathān ngasakhaowa.
2Iwui Avā, ina nali ngachonmi khavai ngakaowa, kala nana ili raimihaira. 3Iwui Avā, nana imanglā Kathewui ramwui eina khāngkaihaira; nana ili kharing eina keisāhaira, kala ili chomli matāzang ngasakhaira.
4Ithumwui Avāli laa sālu, O awui katharabing, kala awui katharamingli ningshilu. 5Kaja awui malungkhavāt hunkhawui vang mānga, kha awui ngahānkhangai mirin peichaoda lei; kachap chi ngayā peichaoda leisāpai, kha khamathānna ngathor rāra.
6Ina reisanglak eina lei tharan, ina hānga, "I khipākha mangatha̱lakmara." 7Iwui Avā, nawui ngahānkhangai eina nana iwui kaphungli mashimānda leingasakhaira; kha nana namai ngathum tharan, I malung ringhaira.
8Nali, O iwui Avā, ina ngakaowa; Proho Avāli lumashanmi khavai ina kathumshihaira: 9"I kasaikha pamakha, I chomli tazangakha, khi samphangra? Chifana nali sora? China nawui ningkatong chi vaora? 10O iwui Avā, ili khanganāmilu, kala ili lumashanmilu; O iwui Avā, iwui ngachonkhamena ngasālu."
11Nana iwui sikafa chi pheichak onmihaida, nana iwui bora chi raiserhaida, ili ringphā eina ngavaimihaira, 12chithāda iwui ningna kasaikha mapamla nali masotlaa sāra. Iwui Avā, ina nali katang mavaila ningshichingra.
