Avāna Awui Anaomayarali Ringshok Ngasaka
Sha̱naobing zingthanlam chikhurli vākashung tharan chi shomhaida leisai, khamayonbing kathi thāhaida leisai, kala kazingrao akhana awui Avāna ali kharingkhuihaira da hānga. Angun chi mi khuimuihaira da hāngkhavai shipaibingli lupā mihaowa. Galileewui phungrei akhali kaikhana ningmaonglak lei, kha athum saikorali miyur saikorawuili chihovai.
28 1Sabbath kāshunga eina, Haptāwui kharethang ngathorthakva̱, Mary Magdalene kala khangatei Maryna chikhur chi yangkhavai vai. 2Kala yanglu, neina̱ panglāk eina nganukhaowa, kaja ithumwui Avāwui kazingrao china kazingramwui eina tāda, lungsham chi khalangshoklaga, atungli pama. 3Awui azak chi rikhān thāda, kala awui kachon horam thāda chara. 4Shantribingna ali khangacheewui vang kathira kala kathi mi thāda ngasāhaowa. 5Kha kazingrao china sha̱naobingli hānga, "Mangacheealu, kaja nathum shaoshān kahaia Jishuli phāda lei kaji ina thei. 6A hili maleimana; ana hānga thada ringshokhaira. Thuilu, ana kachipetpam chi yanglu. 7Kashap eina ungulu, awui sākhangatha̱bingli unghānglu: Ana kathiwui eina ringshokhaira. Yanglu, ana nathumli Galileeli rida vāra; apam chili nathumna ali theira. Nganālu, ina nathumli hāngkahaina."
8Chieina anina khangachee kala chithang khamathān panglāk eina chikhurwui eina kashap eina thuihaowa, kala awui sākhangatha̱bingli unghāng khavai yongunga.
9Kala yanglu, Jishuna anili samphanga, "Ringphālu!" da hānga. Anina ali rālaga awui phei yonkhuida ali khoruma. 10Chieina Jishuna anili hānga, "Mangacheealu. Ungulu, ivānaobingli Galileeli vāhaolu da unghānglu; apam chili athumna ili theira."
Shantribingwui Kachipat Tui
11Anina zatlakha, shantri kaikhana keinung chi azanga kala shokkahai saikora chi pāngmon akhokabingli unghānga. 12Khararnaobing eina samphanghaida khangarān sālaga, athumna shipaibingli aman kachungkha mida, 13athumli hānga, "Hithāda hānglu: 'Ithumna pisālakha awui sākhangatha̱bingna ngayā rāda ali liphunghaowa.' 14Tui hi governorli shungkha, ithumna ali suikhuilaga, nathumli kakhanang eina ningkhān ngasakra." 15Athumna lupā chi khuida athumli hāngkahai thada sai; kala hi pao chi ara zimiksho eina tangda Jihudibingwui alungli ngayaovai.
Avāna Yur Saikorali Ot Chisina
16Chieina sākhangatha̱ tharāda akhana Galileeli Jishuna athumli hāngkahai kaphung chili vāhaowa. 17Athumna ali thei tharan ali khoruma, kha kaikhana malung khani sai.
18Jishuna athumli rāhānga, "Kazingramli kala okathuili sāshap pangshap saikora ili mihaira. 19Chiwui vang eina zatulu, kala miyur saikorali sākhangatha̱ sākhuilu, athumli Avā kala Anaomayara kala Manglā Katharawui mibingli ra̱hikmida, a a v19 Achālak eina 'ming singda' da hānghai. Greek tui 'onoma' china mi saikora khalatna; FHB na 'mibing' da matui — mibing kathum, Vare akha. 20athumli ina nathumli kaso kahai saikora chi mayon khavai tamchitheida. Phaningunglu, okathui ngachangki kaji atam eina tangda ina atam kachida nathumli ngasomira."
