Baba Anamfufua Mwanawe
Wanawake wanafika kaburini kunapopambazuka na kulikuta wazi, walinzi wamekuwa kama wafu, na malaika akisema Baba yake amemfufua. Askari wanalipwa fedha waseme kwamba mwili umeibwa. Juu ya mlima huko Galilaya baadhi bado wana shaka, lakini wote wanatumwa kwa kila taifa.
28 1Baada ya Sabato, alfajiri ya siku ya kwanza ya juma, Mariamu Magdalena na yule Mariamu mwingine walikwenda kulitazama kaburi. 2Ghafla tetemeko kubwa la nchi likatokea, kwa maana malaika wa Baba yetu alishuka kutoka mbinguni, akalivingirisha lile jiwe, akakaa juu yake. 3Sura yake ilikuwa kama umeme, na mavazi yake meupe kama theluji. 4Walinzi wakatetemeka kwa kumwogopa, wakawa kama wafu. 5Lakini malaika akawaambia wale wanawake, "Msiogope, kwa maana ninajua mnamtafuta Yesu, aliyesulubiwa. 6Hayupo hapa—amefufuka, kama alivyosema. Njooni, tazameni mahali alipokuwa amelala. 7Nendeni haraka, waambieni wanafunzi wake: Amefufuka kutoka kwa wafu. Tazameni, anawatangulia kwenda Galilaya; huko mtamwona. Sikilizeni, nimekwisha waambia."
8Basi wakaondoka kaburini haraka, kwa hofu na furaha kubwa, wakakimbia kuwaambia wanafunzi wake.
9Ghafla Yesu akakutana nao, akisema, "Salamu!" Wakamwendea, wakayashika miguu yake, wakamsujudia. 10Ndipo Yesu akawaambia, "Msiogope. Nendeni, waambieni ndugu zangu waende Galilaya—huko watanionaa."
Hadithi ya Kuficha ya Walinzi
11Walipokuwa njiani, baadhi ya walinzi wakaingia mjini, wakawapasha habari wakuu wa makuhani mambo yote yaliyotokea. 12Baada ya kukutana na wazee na kufanya shauri, wakawapa askari kiasi kikubwa cha fedha, 13wakiwaambia, "Semeni: Wanafunzi wake walikuja usiku, wakamwiba tulipokuwa tumelala. 14Na habari hii ikimfikia liwali, tutamshawishi, nasi tutawaondolea taabu." 15Wakazipokea zile fedha, wakafanya kama walivyofundishwa; na habari hii ikaenea miongoni mwa Wayahudi hata leo.
Agizo la Baba kwa Mataifa Yote
16Ndipo wale wanafunzi kumi na mmoja wakaenda Galilaya, mpaka ule mlima Yesu aliowaagiza. 17Walipomwona, wakamsujudia, lakini baadhi wakaona shaka.
18Yesu akaja, akawaambia, "Nimepewa mamlaka yote mbinguni na duniani. 19Kwa hiyo nendeni mkawafanye mataifa yote kuwa wanafunzi, mkiwabatiza katika nafsi za Baba na za Mwana na za Roho Mtakatifu, a a v19 Kwa mapokeo ni 'katika jina la.' Neno la Kiyunani onoma humaanisha nafsi nzima; FHB inasoma 'nafsi' — Nafsi tatu, Mungu mmoja. 20mkiwafundisha kuyashika yote niliyowaamuru ninyi. Kumbukeni, mimi nipo pamoja nanyi siku zote, hata mwisho wa dunia."
