Zaburi 1

1 ¹ Heri mtu yule asiyekwenda katika shauri la wasio haki, wala hakusimama miongoni mwa wenye dhambi, wala hakuketi katika kiti cha wenye dhihaka. ² bali furaha yake ni katika sheria ya Baba yetu, na sheria yake huitafakari mchana na usiku. ³ Naye atakuwa kama mti uliopandwa kandokando ya vijito vya maji, uzaao matunda yake kwa majira yake, wala jani lake halinyauki — na kila alitendalo litafanikiwa.

⁴ Sivyo walivyo wasio haki! Wao ni kama makapi yapeperushwayo na upepo. ⁵ Kwa hiyo wasio haki hawatasimama hukumuni, wala wenye dhambi katika kusanyiko la wenye haki. ⁶ Kwa maana Baba yetu huilinda njia ya wenye haki, bali njia ya wasio haki itapotea.