Bildadna Latluida Hānglui
Bildadwui kahāng kanao chi ashi ta̱ruk eina kashapa, kala katāva̱ maningla khikha maleithuwa: pangshap chi Varewuili lei, kachāng kala sirābingla awui mikli mathara, chithākha mi chi kathāna? Mathan, ka̱chai. Ngasotnaobingwui ngazek ngarokna tui maleithuwa.
25 1Chieina Shuhwui Bildadna ngahānkai: 2"Pangshap kala khangachee chi awuina; awui kajuili ana chingri kahai ngasaka. 3Awui ashangva̱ chi khipākhana shānkhuipairakhala? Awui kahorna mi saikorawuitungli mashokmana? 4Chithākha thikapai mina Varewui mangāli kathāda mashungshaprakhala? Sha̱naona kapharā mina kathāda tharshaprakhala? 5Yanglu, kachāngla tangda mahormana, kala sirābingla awui mangāli matharmana; 6chithākha kachai kahai mina, kala mathan kahai miwui naomayara chi kayākha suitāmeira!"
