Ng'alaali Bildad Kogeny
Ng'olyootap Bildad ne po let ko weeldaisyek lo, ak ma mi kiy age kotes ago loeet: po Kamuktaindet pounateet, agot arawet ak kokeelik ma tiliileen eng' konyekyik, kotam nee anyun chii ne ng'emaksei? Kuutik, kuutik kityo. Kagoyomu ng'aleegap tupchosyek.
25 1Yeityo kowol Bildad Shuindet koleenji, 2“Po ineendet pounateet ak kwong'eet; yaei kaalyeet eng' komoswekyik che torooreen. 3Imuuchi anyun chii age tugul koiit lugosyekyik? Tos ma kokweng'ji lapkeiyennyi piik tugul? 4Imuuchi anyun ano chii ne ng'emaksei koek ne po imanda eng' taitap Kamuktaindet? Imuuchi ano ne ki kisich eng' kwony koek ne tiliil? 5Keero, agot arawet ko ma leel, ak ma tiliileen kecheik eng' konyekyik; 6kotam nee anyun chii ne ng'emaksei, ne uu kuutik, ak weeriitap chii, ne uu kuutik!”