Bildadei Nyibou Joyoda
Bildadeibü naphei ngüh ngühlang lalok ong ki hoba khoa amon aukabü lubü aei aying: hau hoba hatbü kho Mühghaüeibü ki, litnyu kei ngesakbü aying hoba khanshoulitshou shuong kei haoeibü nyeka hinseibü aying, kheijinei hailabü müt kho ai? Yang che, khübü che. Jaisi shuongeibü weenbü ngüh maukei.
25 1Hobaje Shu bou Bildadei jongaiko laukei, 2“Hau hoba hatbü kho haoeibü ki; haoei jembü thükae ka sangmai kümda. 3Aoei haoeibü mütshang weenla thükla? Haoeibü ngesakbü müt pendou thüka alongtida lo? 4Khülonga hailabü müt Mühghaü thedanga lai küman saopobü kila? Yaksa ka bukbü kho lai küman hinseibü kila? 5Chühashi, haoeibü nyeka litnyu kei ngesakbü aying, hoba khanshoulitshou shuong kei hinseibü aying; 6Khotoje hailabü müt, ao yangei ki, hoba müteibü shou, ao yangei ki!”
