Bildad aru ekbar kotha koise
Bildad laga hekh bhashon chota pod he ase aru etu te dur huwa kotha bina aru eku nai: raj Isor laga ase, Tai laga suku te jun aru tara bhi suddh nohoi, tinehoile manuh ki ase? Ekta puk, ekta kida. Sathi khan laga torko te kotha khotom hoise.
25 1Tetiya Shuhi jati laga Bildad pora jawab di koise: 2“Adhikar aru bhoi Tar laga ase; Tar uporte thaka jaga khan te Tar pora shanti bonai ase. 3Tar laga sena khan ke kun pora ginti koribo pare? Tar laga puhor sob manuh uporte na ulai naki? 4Tetiya morija manuh ekjon Isor laga age te kineka dharmik hobo pare? Maiki pora jonom luwa ekjon kineka sapha hobo pare? 5Sabi, chand bhi ujjol nohoi, aru tara khan bhi Tar suku te sapha nohoi; 6tetiya ekta puka nisena morija manuh, aru ekta kira nisena manuh laga bacha, aru kiman to kom hobo!”