Bilidadi Aaria Rĩngĩ
Ũhoro wa mũthia wa Bilidadi ũrĩ na mĩhari ĩtandatũ, na gũtirĩ kĩndũ gĩtigaire thĩinĩ waguo tiga ũraihu: ũthamaki nĩ wa Ngai, o na mweri na njata ti theru maitho-inĩ make, nakĩ mũndũ arĩ kĩ? Kĩgunyũ, rũgunyũ. Ngarĩrano ya arata nĩĩthirĩirwo nĩ ciugo.
25 1Naake Bilidadi ũrĩa Mũshuhi agĩcookia atĩrĩ: 2“Wathani na gwĩtigĩrwo nĩ ciake; nĩwe ũrehaga thaayũ kũndũ gwake kũrĩa kũrĩ igũrũ. 3Nũũ ũngĩhota gũtara mbũtũ ciake cia ita? Naguo ũtheri wake githĩ ndũararĩra mũndũ o wothe? 4Mũndũ ũngĩkĩhota atĩa gũtuĩka mũthingu mbere ya Ngai? Ũrĩa ũciarĩtwo nĩ mũndũ-wa-nja angĩhota atĩa gũtuĩka mũtheru? 5Ta rora, o na mweri ndũararĩra, nacio njata itirĩ theru maithoinĩ make; 6githĩ to makĩria mũndũ, ũrĩa arĩ o kĩgunyũ, na mũrũ wa mũndũ, ũrĩa arĩ o rũgunyũ!”