Bildadi Tanaben Jembi
Bildad tanabuba jembiba kanga türba lir, aser aji nung Tsüngrem temaba kabosa renema lir: tashi aser tsübutsü Tsüngrem meyong lir, petinu aser tematibatem bo pa nükdang merüka mali, ajangla tasütsüba nisung kechi lir? Meseni ka, itemji ka. Tenzüker lemsatepba o renema kümdaktsüogo.
25 1Idangji Shua nunger Bildadi langzüa ashi, 2“Tashi aser tsübutsü pa meyong lir; pai pa temalen nung yimjung yanglur. 3Shibai pa temeranger telok züngdangtettsü? Pa tesangwa nisung shia madak madoktsü? 4Ajangla tasütsüba nisung Tsüngrem madang koda temeshi alitsü? Tetsür nungi asoba koda merüka alitsü? 5Ajiang, pa nükdang ita oda masangwa, aser petinutem merüka mali; 6meseni aliba tasütsüba nisung, aser meseni aliba nisung chir koda tali süla!”