यहोशवा 5

5 ¹ यार्देनेच्या पश्चिमेकडील सर्व अमोरी राजे व समुद्रकाठचे सर्व कनानी राजे यांनी जेव्हा ऐकले की, इस्राएल पार होईपर्यंत आमच्या पित्याने त्यांच्यापुढे यार्देनेचे पाणी आटवले, तेव्हा त्यांची मने विरघळली आणि इस्राएलामुळे त्यांच्यात धैर्य उरले नाही.

² त्या वेळी आमच्या पित्याने यहोशवाला म्हटले, “तू आपल्यासाठी गारगोटीच्या सुऱ्या बनव आणि इस्राएल लोकांची पुन्हा, दुसऱ्यांदा सुंता कर.”

³ मग यहोशवाने गारगोटीच्या सुऱ्या बनवल्या आणि गिबथ-हाअरालोथ म्हणजे अग्रत्वचांच्या टेकडीवर इस्राएलाच्या पुत्रांची सुंता केली. ⁴ यहोशवाने त्या सर्वांची सुंता केली; कारण मिसरातून निघालेले सर्व लोक — पुरुष, म्हणजे सर्व योद्धे — मिसर सोडल्यानंतर वाटेत रानात मरण पावले होते. ⁵ बाहेर निघालेल्या सर्वांची सुंता झाली होती, पण मिसरातून निघाल्यावर वाटेत रानात जन्मलेल्यांची सुंता झाली नव्हती. ⁶ इस्राएल लोक चाळीस वर्षे रानात चालले, तोपर्यंत मिसरातून निघालेले सर्व योद्धे — म्हणजे संपूर्ण राष्ट्र — मरून गेले; कारण त्यांनी आमच्या पित्याची वाणी ऐकली नाही. म्हणून आमच्या पित्याने अशी शपथ वाहिली की, दुधामध वाहणारा जो देश त्याने त्यांच्या पूर्वजांना आम्हांला देण्याची शपथ वाहिली होती, तो देश तो त्यांना पाहू देणार नाही. ⁷ त्यांच्या जागी त्याने त्यांच्या मुलांना उभे केले, आणि यहोशवाने त्यांची सुंता केली; कारण वाटेत त्यांची सुंता झाली नव्हती, म्हणून ते बेसुंती होते. ⁸ संपूर्ण राष्ट्राची सुंता पूर्ण झाल्यावर, ते बरे होईपर्यंत छावणीत आपापल्या ठिकाणी राहिले.

⁹ मग आमच्या पित्याने यहोशवाला म्हटले, “आज मी मिसराची निंदा तुमच्यावरून लोटून दिली आहे.” म्हणून त्या ठिकाणाला आजपर्यंत गिलगाल असे म्हणतात.

¹⁰ गिलगाल येथे तळ दिलेल्या इस्राएल लोकांनी यरीहोच्या मैदानात महिन्याच्या चौदाव्या दिवशी संध्याकाळी वल्हांडण सण पाळला. ¹¹ वल्हांडणाच्या दुसऱ्या दिवशी, त्याच दिवशी, त्यांनी त्या देशातले उत्पन्न खाल्ले — बेखमीर भाकरी व होरपळलेले धान्य. ¹² त्या देशातले उत्पन्न खाल्ल्याच्या दुसऱ्या दिवशी मान्ना पडायचे थांबले. इस्राएल लोकांना पुन्हा मान्ना मिळाले नाही; त्या वर्षी त्यांनी कनान देशाचे पीक खाल्ले.

पित्याच्या सैन्याचा सेनापती

¹³ यरीहोजवळ असताना यहोशवाने वर पाहिले, तेव्हा त्याच्यासमोर एक पुरुष उभा असून त्याच्या हातात उपसलेली तलवार होती. यहोशवा त्याच्याजवळ जाऊन त्याला म्हणाला, “तू आमच्या बाजूचा आहेस की आमच्या शत्रूंच्या बाजूचा?”

¹⁴ तो म्हणाला, “नाही; तर मी आता आमच्या पित्याच्या सैन्याचा सेनापती म्हणून आलो आहे.” तेव्हा यहोशवा भूमीवर उपडा पडून नमन करून म्हणाला, “माझा प्रभु आपल्या दासाला काय सांगतो?”

¹⁵ आमच्या पित्याच्या सैन्याच्या सेनापतीने यहोशवाला म्हटले, “तू आपल्या पायांतल्या वहाणा काढ; कारण ज्या ठिकाणी तू उभा आहेस ते पवित्र आहे.” यहोशवाने तसे केले.