آتا گئلگالدا اؤز خالقینی تزه‌له‌یئر
هر دؤیوشدن قاباق بئر فاصئله. تزه بئر نسئل ختنه ادئلئر و صاغالماق اوچون اوردوگاهدا ساخلانیر، پاسخا توتولور، و تورپاغین اؤز یمَیئندن یئدئکلری گون مانّا کَسئلئر. سونرا سئیرئلمئش قیلینجی اولان بئر آدام یوشَعه دیئر کی، آتامیزین قوشونونا او باشچیلیق ادر.
5 1اوردون چایینین قربئنده اولان بوتون اِمورلو پادشاهلار و دهنز بویونجا اولان بوتون کَنَعانلی پادشاهلار، آتامیزین ائسرایئل قاباغیندا اوردون چایینین سولارینی اونلار کچنه قدر قوروتدوغونو اشئتدئکده، اورَکلری اوزولدو و ائسرایئله گؤره اونلاردا داها روح قالمادی.
2او واخت آتامیز یوشَعه ددی: «اؤزونه چاخماق داشیندان بیچاقلار دوزَلت و ائسرایئللی‌لری گئنه، ائکئنجی دفه ختنه ات.»
3بله‌جه یوشَع چاخماق داشیندان بیچاقلار دوزَ‌لدئب ائسرایئل اؤولادلارینی گئبعات‌هاعارالوتدا، یعنی ختنه دَرئلری تپه‌سئنده ختنه اتدی. 4یوشَعئن اونلاری ختنه اتمه‌سئنئن سببی بودور: مئصئردن چیخان بوتون خالق، یعنی کئشی جئنسئندن اولانلار، بوتون دؤیوشچولر، مئصئردن چیخاندان سونرا یولدا، صحرادا اؤلموشدولار. 5چیخان هر کس ختنه اولونموشدو، آمّا مئصئردن چیخان یولدا صحرادا دوغولان آداملار ختنه اولونمامیشدی. 6ائسرایئل خالقی قیرخ ائل صحرادا گَزدی، تا مئصئردن چیخان بوتون مئلّت، یعنی دؤیوشچولر قیریلیب قورتاردی، چونکی اونلار آتامیزین سَسئنه قولاق آسمادیلار. آتامیز اونلارا آند ائچمئشدی کی، اجدادلارینا بئزه ورمه‌یی آند ائچدئیی تورپاغی، سود و بال آخان اؤلکه‌نی گؤرمه‌یه‌جکلر. 7او، اونلارین یرئنه اؤولادلارینی قالدیردی. یوشَع ده بونلاری ختنه اتدی، چونکی یولدا ختنه ادئلمه‌دئکلری اوچون حله ختنه‌سئز قالمیشدیلار. 8بوتون مئلّتئن ختنه‌سی تامام اولاندا، صاغالانا قدر اوردوگاهدا قالدیلار.
9سونرا آتامیز یوشَعه ددی: «بو گون مئصئرئن روسوایچیلیغینی سئزدن یوواردیم.» بونا گؤره او یرئن آدی بو گونه کئمی گئلگال چاغیریلیر.
10گئلگالدا دوشَرگه سالان ائسرایئللی‌لر آیین اون دؤردونجو گونو، آخشامچاغی، اَرئحا اووالاریندا پاسخا بایرامینی توتدولار. 11پاسخانین صاباحیسی گونو، همئن گون، تورپاغین محصولوندان یدئلر: مایاسیز چؤرک و قوورولموش دن. 12تورپاغین محصولوندان یدئکلری گونون صاباحیسی مانّا کسئلدی. ائسرایئللی‌لرئن داها مانّاسی اولمادی؛ او ائل کَنَعان اؤلکه‌سئنئن محصولوندان یدئلر.
آتانین قوشونونون باشچیسی
13اَرئحانین یاخینلیغیندا یوشَع باشینی قالدیریب باخدی و قاباغیندا دوران بئر آدامی گؤردو، الئنده ده سئیرئلمئش قیلینج وار ائدی. یوشَع اونا یاخینلاشیب سوروشدو: «سن بئزئم طرفداریمیزسان، یا دوشمنلرئمئزئن؟»
14او جاواب وردی: «یوخ. من ائندی آتامیزین قوشونونون باشچیسی کئمی گلمئشم.» یوشَع اوزو اوسته یره دوشوب سجده اتدی و ددی: «آغام اؤز قولونا نه بویورور؟»
15آتامیزین قوشونونون باشچیسی یوشَعه ددی: «آیاقلاریندان چاریقلارینی چیخارت، چونکی دوردوغون یر موقدّسدئر.» یوشَع ده بله اتدی.
