Mu Ke Vwanda Swi Ve
Muntu mosi ke buya kuvwanda swi tii kuvuukisa ya Yelusalemi ke monikina, mpe ke tula minkebi samu na kubambula Tata ya beto moyo mpimpa mpe mwini. Bankumbu ya yandi ke soba: ve «Ya Kuyambula» mpe «Ya Kumwangana», kasi «Efisiba» mpe «Bewula». Tata ya yandi ke yangalala na yandi mutindu bakala ya makwela ke yangalalaka.
Tata ya beto ke zonza na bavese 8–9, 11
62 1Samu na Siyone, mu ke vwanda swi ve, mpe samu na Yelusalemi, mu ke pema ve, tii ntangu mambu ya kudedama ya yandi ke lezima mutindu suka-suka, mpe mpulusu ya yandi mutindu mwinda ya tiya yina ke lema. 2Bantu ya bayinsi ke tala mambu ya kudedama ya nge, mpe bantinu nyonso ke tala nkembo ya nge; mpe ba ke bokila nge na nkumbu ya mpa yina Tata ya beto yandi mosi ke pesa nge. 3Nge ke vwanda kidimbu ya kitoko na diboko ya Tata ya beto, kidimbu ya kintinu na diboko ya Tata ya beto. 4Ba ke bokila nge dyaka ve «Ya Kuyambula», mpe ba ke pesa yinsi ya nge dyaka ve nkumbu «Ya Kumwangana»; kasi ba ke bokila nge «Efisiba» — «Kilengi ya munu kele na yandi» — mpe yinsi ya nge «Bewula» — «Ya Kukwela»; samu ti ntima ya Tata ya beto ke yangalala na nge, mpe ba ke kwela yinsi ya nge. 5Samu, mutindu toko ya bakala ke kwelaka ndumba, mutindu mosi bana ya nge ya babakala ke kwela nge; mpe mutindu bakala ya makwela ke yangalala na kento ya yandi, mutindu mosi Tata ya nge ke yangalala na nge.
6Na bibaka ya nge, Yelusalemi, mu me tula minkebi; kilumbu mvimba mpe mpimpa mvimba bawu ke vwanda swi ve ata fyoti. Beno bayina ke bambula Tata ya beto moyo, beno kupema ve, 7mpe beno bika yandi kupema ve tii ntangu yandi ke kindisa Yelusalemi mpe ke sala ti ba kembila yandi na ntoto nyonso.
8Tata ya beto me kudya ndefi na diboko ya kibakala ya yandi, mpe na diboko ya ngolo ya yandi: «Mu ke pesa dyaka ve bambuma ya nge na bambeni ya nge bonso madya, mpe banzenza ke nwa dyaka ve vinu ya mpa yina nge salaka kisalu samu na yawu; 9kasi bayina ke yonzika yawu ke dya yawu mpe ke kembila Tata ya beto, mpe bayina ke vukisa yawu ke nwa yawu na lupangu ya Yinzo ya longo ya munu.»
10Beno luta, beno luta na myelo! Beno yidika nzila samu na bantu. Beno tunga, beno tunga nzila ya nene; beno katula matadi; beno nanguna kidimbu na zulu ya bantu ya bayinsi.
11Beno tala, Tata ya beto me zabisa tii na nsuka ya ntoto: Beno zabisa Siyone, mwana ya kento, «Beno tala, mpulusu ya nge ke kwiza; beno tala, musendo ya yandi kele ti yandi, mpe mfutu ya yandi kele na mantwala ya yandi.» a a v11 Kusonga 22:12 ke tanga Muntu yayi yina ke kwiza — Yesu tubaka: «Beno tala, mu ke kwiza nswalu, mu ke nata mfutu ya munu ti munu.»
12Mpe ba ke bokila bawu «Bantu ya Longo», «Bantu ya Tata ya beto Me Kuula»; mpe ba ke bokila nge «Ya Ba Me Sosa», «Mbanza Yina Ba Yambula Ve».