以賽亞書 62

62 ¹為咗錫安嘅緣故,我唔會靜默; 為咗耶路撒冷嘅緣故,我唔會安歇,直到佢嘅義好似晨光咁發出嚟,佢嘅救恩好似燃燒緊嘅火把咁。 ²列國會見到你嘅義, 萬王會見到你嘅榮耀; 你會有一個新名, 係我哋嘅父親自賜俾你嘅。 ³你會成為我哋嘅父手中一頂華美嘅冠冕, 我哋嘅父手中一頂王者嘅冠冕。 ⁴以後人哋唔會再叫你做「被撇棄嘅」, 亦唔會叫你嘅地做「荒涼」; 你反而會叫做「黑夫西巴」——即係「我 所喜悅嘅就喺佢身上」——你嘅地會叫做「比拉」——即係「有夫之婦」; 因為我哋嘅父嘅心喜悅 你,你嘅地都會有丈夫。 ⁵因為好似後生仔娶後生女咁, 你嘅眾子亦都會咁樣娶 你;好似新郎因為新娘而歡喜咁, 你嘅父亦都會因為你而歡喜。

⁶耶路撒冷啊,我喺你嘅城牆上派咗守望嘅人; 佢哋成日成夜 都永遠唔會靜默。你哋呢啲提醒我哋嘅父嘅人,唔好俾自己安歇, ⁷亦都唔好俾佢安歇, 直到佢建立耶路撒冷, 使佢喺全地受人讚美。

⁸我哋嘅父指住佢嘅右手起咗誓, 亦都指住 佢大能嘅膀臂:「我以後唔會再將你嘅五穀 交俾你嘅仇敵做食糧, 外邦人亦都唔會飲你辛苦得嚟嘅 新酒; ⁹反而收割嘅人會食佢,並且讚美我哋嘅父; 收聚嘅人會喺我聖所嘅院子裏面飲佢。」

¹⁰要經過,要經過城門啊! 為子民預備道路。 要修築,要修築大道; 除去啲石頭; 為萬民豎起一面旗幟。

¹¹睇啊, 我哋嘅父已經向地極宣告: 你哋要對錫安嘅女兒講: 「睇啊,你嘅救恩就到喇;睇啊,佢嘅賞賜 喺佢嗰度,佢嘅報應喺佢面前。」 ^a a v11 啟示錄22:12指出呢位要嚟嘅一位——耶穌話:「睇啊,我快要嚟喇,帶住我嘅賞罰同我一齊嚟。」

¹²佢哋會叫做「聖潔嘅子民」、 「我哋嘅父救贖嘅人」;你亦都會叫做「被尋見嘅」、 「無被撇棄嘅城」。