یاش چشمه‌سی
اِرِمیا آرزو ادئر کی، دایانمادان آغلایا بئلسئن، یا دا بوتونلوکله گِده بئلسئن، چونکی قونشولار و قارداشلار یالانی بئر صَنَته چِوئرئبلر. آتامیز دیئر کی، اؤلکه بوشالدیلیب داغیلاجاق. فخر اتمَیه دَیَن تک شی اونو تانیماقدیر — وفالی محبّت، عدالت، صالحلئک، اونون حقئقتن خوشلاندیغی شیلر.
9 1کاش باشیم سو بولاغی، گؤزلرئم ده یاش چشمه‌سی اولایدی، اله کی، خالقیمین قیزینین اؤلدورولَنلری اوچون گجه-گوندوز آغلایایدیم! 2کاش صحرادا یولچولارین قالدیغی بئر یرئم اولایدی، اله کی، خالقیمی بوراخیب اونلاردان اوزاقلاشایدیم! چونکی اونلارین هامیسی زئناکاردیر، بئر خائنلر دسته‌سی‌دئر.
3دئللرئنی کامان کئمی اَیئرلر؛ اؤلکه‌ده صداقت یوخ، یالان گوجلَنئب. پئسلئکدن پئسلئیه گِدئرلر و منی تانیمیرلار، آتامیز بویورور.
4قوی هر کس اؤز قونشوسوندان اؤزونو گؤزله‌سئن و هچ بئر قارداشا اعتئبار اتمه‌سئن؛ چونکی هر قارداش آلداتاندیر و هر قونشو بؤهتان یایاراق گَزئر.
5هر کس اؤز قونشوسونو آلدادیر و هچ کس حقئقتی دانیشمیر؛ دئللرئنی یالان دانیشماغا اؤیرَدئبلر، پئسلئک ائله‌مکدن اؤزلرئنی یورورلار. 6حئیله اورتاسیندا یاشاییرسان؛ اؤز حئیله‌لری ائله منی تانیماقدان بویون قاچیریرلار، آتامیز بویورور.
7اونا گؤره گؤی قوشونلارینین آتاسی بله دیئر: باخ، من اونلاری اَرئدئب سینایاجاغام، چونکی خالقیمین قیزینا گؤره باشقا نجه اده‌بئله‌رم؟ 8دئللری اؤلدورن اوخدور؛ حئیله دانیشیر. هر کس آغزی ائله قونشوسونا صولح سؤزو دیئر، آمّا اوره‌یئنده اونون اوچون پوسقو قورور. 9مگر بونلارا گؤره اونلاری جزالاندیرمایاجاغام؟ آتامیز بویورور. مگر بله بئر مئلّتدن قئصاص آلمایاجاغام؟ 10«داغلار اوچون آغلاییب شئون اده‌جه‌یم، صحرا اوتلاقلاری اوچون مرثئیه اوخویاجاغام، چونکی اونلار خارابا قالیب، اله کی، هچ کس اورادان کچمئر و مال-حیوانین بؤیورتوسو ده اِشئدئلمئر. گؤیده‌کی قوشلاردان توتموش حیوانلارا قدر هامیسی قاچیب گدئب. 11اورشلئمی خارابالیق قالاغینا، چاقّاللار یوواسینا دؤندَ‌ره‌جه‌یم؛ یهودا شهرلرئنی ده ساکئنسئز وئرانه‌لئیه چئویره‌جه‌یم.»
12کئم بو قدر عاغیلّی‌دیر کی، بونو آنلاسین؟ آتامیزین آغزی کئمه دانیشیب کی، اؤلکه‌نئن نئیه خارابا قالدیغینی، نئیه صحرا کئمی یانیب هچ کسئن اورادان کچمه‌دئیئنی تشرئح اتسئن؟
13آتامیز بویورور: چونکی اونلارا وردئیئم شرئعتئمی ترک اتدئلر، سؤزومه قولاق آسمادیلار و اونا عمل اتمه‌دئلر، 14آمّا عئنادلا اؤز اورَکلرئنه اویدولار و آتالارینین اونلارا اؤیرَتدئیی کئمی بَعَل بوتلرئنئن دالینجا گتدئلر. 15اونا گؤره گؤی قوشونلارینین آتاسی، ائسرایئلئن آتاسی بله دیئر: بو خالقا آجی یمک یِدئرده‌جه‌یم و اونلارا زَهَرلی سو ائچئرده‌جه‌یم. 16اونلاری اؤزلرئنئن و آتالارینین تانیمادیغی مئلّتلر آراسینا داغیداجاغام و اونلاری محو اده‌نه قدر دالینجا قیلینج گؤندَ‌ره‌جه‌یم.
17گؤی قوشونلارینین آتاسی بله دیئر: فئکئرلَشئن! یاس توتماقدا ماهئر آروادلاری چاغیرین، مرثئیه‌ده باجاریقلی اولانلارین دالینجا آدام گؤندَ‌رئن. 18قوی تَلَسئک بئزئم اوچون شئون قالدیرسینلار، اله کی، گؤزلرئمئزدن یاش آخسین و کئپرئکلرئمئزدن سو آخسین.
19چونکی صَحیوندان بئر آغلاشما سَسی اِشئدئلئر: نجه ده وئران اولدوق! چوخ اوتاندیق، چونکی اؤلکه‌نی بوراخدیق، چونکی مسکنلرئمئزی ییخدیلار. 20ائندی، ای آروادلار، آتامیزین سؤزونو اشئدئن؛ قویون قولاقلارینیز اونون آغزینین سؤزونو قبول اتسئن. قیزلارینیزا شئون، هر کس ده اؤز قونشوسونا مرثئیه اؤیرَدئن. 21چونکی اؤلوم پنجره‌لرئمئزدن دیرماشیب گئرئب؛ سارایلاریمیزا داخئل اولوب، کوچه‌لردن اوشاقلاری و میدانلاردان جاوانلاری کسئب.
22دانیش: آتامیز بله بویورور: ائنسانلارین جسدلری آچیق چؤلده پئیئن کئمی دوشه‌جک، بئچئن‌چئنئن آرخاسیندا قالان دَرزلر کئمی، اونلاری ییغان دا اولمایاجاق.
23آتامیز بله دیئر: قوی حکیم اؤز حئکمتئنه گؤره فخر اتمه‌سئن، قوی گوجلو اؤز گوجونه گؤره فخر اتمه‌سئن، قوی دؤولَتلی اؤز وار-دؤولتی‌نه گؤره فخر اتمه‌سئن؛ 24آمّا فخر ادن، بونا گؤره فخر اتسئن: کی منی درک ادئب تانی‌ییر، یعنی من یِر اوزونده صداقتلی محبّت، عدالت و صالحلیق ائله رفتار ادن آتانیزام؛ چونکی بو شیلردن خوشلانیرام، آتامیز بویورور.
25باخ، او گونلر گلئر، آتامیز بویورور، او واخت آنجاق بدنده ختنه اولانلارین هامیسینی جزالاندیراجاغام. 26مئصئر، یهودا، اِدوم، عَمّون اؤولادلاری، موآب، و صحرادا یاشایان، گیجگاه ساچلارینی قیرخانلارین هامیسی. چونکی بوتون بو مئلّتلر ختنه‌سئزدئرلر، و بوتون ائسرایئل نسلئنئن اورَیی سرت‌دئر.
