اَبئیا تختی اَله آلیر
اَبئیا اؤز سؤزونو دره‌نئن او تاییندان اوجادان دیئر: یهودادا حله ده هارونون کاهئنلری، گونده‌لئک تقدئملر و چیراق وار، ائسرایئلده ائسه دانالار و اؤزباشینا دوزَلدئلمئش کاهئنلر. قاباقدان و آرخادان پوسقویا دوشَن یهودا آتامیزا فریاد ادئر و قالئب گلئر، چونکی اونا آرخالانمیشدیلار.
13 1یَروبعام پادشاهین سلطنتئنئن اون سکّئزئنجی ائلئنده، اَبئیا یهودانین پادشاهی اولدو. 2او، اورشلئمده اوچ ائل سلطنت سوردو. آناسی گئبعالی اوریئلئن قیزی مئکایا ائدی. اَبئیا ائله یَروبعام آراسیندا موحارئبه گتدی. 3اَبئیا دؤیوشده ماهئر و سچمه دؤرد یوز مئن ائگئد آداملا دؤیوشه چیخدی؛ یَروبعام دا سچمه و ائگئد سکّئز یوز مئن آداملا اونون ضئدّئنه دوزولدو.
4اَبئیا اِفرایئمئن داغلیق بؤلگه‌سئندن اولان صِماره‌یئم داغینین اوستونده دوروب ددی: «ای یَروبعام و بوتون ائسرایئللی‌لر، منه قولاق آسین! 5مگر سئز بئلمئرسئنئز کی، ائسرایئلئن تاریسی آتامیز، ائسرایئلئن تختئنی داوودا و اونون اؤولادلارینا بئر دوز عهدی ائله ابدی اولاراق ورئب؟ a a v5 دوز عهدی تنتنه‌لی و ابدی بئر معاهئده ائدی؛ دوز یئیه‌جه‌یی ساخلاییردی و داوام ادن، پوزولماز بئر بئرلئیئن نئشانه‌سی ائدی. 6آمّا داوود اوغلو سولیمانین قولو اولان نِباط اوغلو یَروبعام قالخیب اؤز آغاسینین ضئدّئنه عوصیان اتدی. 7اونون اطرافینا یاراماز آداملار ییغیلدیلار و اونلار سولیمانین اوغلو جاوان و اوره‌یی قورخان، اونلارین قاباغیندا دورا بئلمه‌یَن رِحوبعامین ضئدّئنه چیخدیلار.
8ائندی سئز گومان ادئرسئنئز کی، داوودون اؤولادلارینین اَلئنده اولان آتامیزین پادشاهلیغینا موقاوئمت گؤرسده بئله‌رسئنیز، چونکی سئز بؤیوک بئر ائزدئحامسینیز و یَروبعامین سئزه آللاهلار اولاراق دوزَلتدئیی قیزیل دانالار سئزئنله‌دئر. 9مگر سئز آتامیزین کاهئنلرئنی، هارون اوغوللارینی و لاوئلی‌لری قوومادینیز و آیری مئلّتلر کئمی اؤزونوزه کاهئنلر دوزَلتمه‌دئنیز؟ هر کئم بئر جاوان گامیش و یدّی قوچ ائله گلسه، آللاه اولمایان شیلرئن کاهئنی اولا بئلر.
10آمّا آتامیز بئزئمدئر و بئز اونو آتمامیشیق. اونا خئدمت ادن کاهئنلر هارون اوغوللاری‌دیر و لاوئلی‌لر ده اؤز ائشلرئنده‌دئرلر. 11اونلار هر سحر و هر آخشام آتامیزا یاندیرما قوربانلاری و عطئرلی بوخور یاندیرارلار؛ خالئص قیزیلدان اولان مئزئن اوستونه سیرا-سیرا چؤرک قویارلار و هر آخشام یاندیریلان قیزیل چیراقدانا نظارت ادئرلر. بئز آتامیزین حؤکمونو حئفظ ادئرئک، آمّا سئز اونو آتیبسینیز. 12باخین، آتامیز بئزئمله‌دئر، او بئزئم رهبرئمئزدئر و اونون کاهئنلرئنئن الئنده سئزئن ضئدّئنئزه ائخطار ورمک اوچون کَره‌نایلار وار. ای ائسرایئللی‌لر، اجدادلارینیزین تاریسی آتامیزین ضئدّئنه دؤیوشمه‌یئن، چونکی ظفر قازانمایاجاقسینیز.»
13یَروبعام کمئن دسته‌سئنی اونلارین آرخاسیندان گلسئن دئیه اطرافا گؤندَرمئشدی؛ اونون قوشونو یهودانین قاباغیندا، کمئن ده اونلارین آرخاسیندا ائدی. 14یهودالی‌لار دؤنوب موحارئبه‌نئن قاباقدان و آرخادان اؤزلرئنه ضئدّ اولدوغونو گؤرنده، آتامیزا فریاد اتدئلر و کاهئنلر کَره‌نایلاری چالدیلار. 15یهودا آداملاری دؤیوش نعره‌سی چکدئلر و اونلار قیشقیراندا، آتامیز اَبئیا و یهودانین قاباغیندا یَروبعامی و بوتون ائسرایئللی‌لری ووردو. 16ائسرایئل اؤولادلاری یهودانین قاباغیندان قاچدیلار و آتامیز اونلاری یهودایا تسلئم اتدی. 17اَبئیا و اونون قوشونو اونلاری بؤیوک بئر شکئلده قیردیلار؛ ائسرایئلدن سچمه بش یوز مئن آدام اؤلو یره دوشدو. 18بله‌جه او واخت ائسرایئل آلچالدیلدی و یهودا ظفر قازاندی، چونکی اونلار اجدادلارینین تاریسی آتامیزا گووَندئلر. 19اَبئیا یَروبعامی قوووب اوندان شهرلری آلدی: بِیت ائلی و اونون کَندلرئنی، یِشانا و اونون کَندلرئنی، عِفرون و اونون کَندلرئنی.
20یَروبعام اَبئیانین دؤورونده بئر داها گوجونو تاپمادی و آتامیز اونو ووردو و او اؤلدو. 21آمّا اَبئیا گوجلَندی. او، اون دؤرد آرواد آلدی و اونون ائیئرمی ائکی اوغلو و اون آلتی قیزی اولدو. 22اَبئیانین قالان ائشلری، اونون یوللاری و سؤزلری عئدّو پیغمبرئن شرحئنده یازیلیبدیر.
