Khumbu Yaku Yineni Lawu
Kwena musindikidi wa mikunga: landa Gititi. Mukunga wa Tavidi.
Mu kutala zulu dya phipha, Tavidi wisi yuvula kikuma kya biki wuna wásya ngondi yi bathetimbwa kabanza bivangwa bisweka bwabu. Mvutu kayenina ni batu benina baneni ku, kaasi ni Tata wetu wábavwatisa khembu yi luzitu amana wábaheka mihangu mya moku mandi.
8 1A Pfumu, Tata wetu, khumbu yaku yineni lawu mu tsi yosu! Wásya khembu yaku hana thandu ya mazilu. 2Mu munwa mya bana bakhunda, yi mya bana ba lubutu bana bisi yemika, wáyidika ngolu, kikuma kya bambeni baku, ndangu wakása munwa wa mbeni yi wa mufundisi. 3Buna yisi tala mazilu maku, muhangu wa milembu myaku, ngondi yi bathetimbwa mana wásya, 4nati benina batu ndangu ngeyi wamubayubukaka, yi mwana wa mutu ndangu ngeyi wamukebaka? a a v4 Musoniki wa mukanda wa Ebeleo wusadidi ndinga zazi kwena Yesu — yandi Mwana wa mutu wuna bámukhitula koma, muna sina dya banzyo mu tangwa dya khunda, kunima wávwata mukhonzi wa khembu yi luzitu (Ebeleo 2:6-9). 5Kaasi wámusila koma muna sina dya banzyo, amana wámuvwatisa mu khembu yi luzitu. 6Wámuheka luyalu hana thandu ya mihangu mya moku maku; wásya byosu muna sina dya bitambi byandi: 7mikoku myosu yi bangombi, amana phi bambisi ba mu musitu, 8banuni ba ku zilu, yi batsema ba mu yanga dya mbuta, kyosu kina kisi kwenda muna nzila za mayanga ma mbuta. 9A Pfumu, Tata wetu, khumbu yaku yineni lawu mu tsi yosu!
