Kaibü Nyen Aeibou Hatlamoklabü
Chia leishaibou shanga: Gittit tegü. Dawideibü chia che.
Nangnakbü müh to chühjinei, mang haapbouei litnyu hoba khanshoulitshou phokubou aila khünei chaoutham müt shuong to onoula dogo phekda. Jongaibü kho müt yaangbü shangabü aying, lausikei seneibü Bouei haoen soneikangbü hoba nyenhanga khua settikuan, haoeibü ikei kümbü shuong haoen la kukei dogo ki.
8 1O seneibü Abou, kaodak pendoua kaibü nyen aeibou hatlamoklabü che ki! Nyi kaibü soneikangbü müh thüka phokukei. 2Senyopbü hoba nyatbü shousi sembung ka, kaibü dangbou shuong laüa, dangbou hoba phoklambou to tuongtila shanga, nyi hau phokukei. 3Ngei kaibü müh, kaibü ikjishouei kümbü, litnyu hoba khanshoulitshou nyi phokubü to chühlaje, 4Müt kho ai ki, nyi haoen damenda; müteibü shou kho ai ki, nyi hao to onouda? a a v4 Hebrew lea doaboueikei habü ngüh ho Jisu shangabü ki dogo lenkei — Müteibü Shou, aoyou hangsho jiha hangangbü shuong to phangkabou yeitikei, kheijinei haoeibü khua soneikangbü hoba nyenhang phokukei (Hebrew 2:6-9). 5Lausikei nyi hao khuthük hangangbü shuong to hangsho phangkabou yeitikei, hoba haoeibü khua soneikangbü hoba nyenhang phokukei. 6Nyi hao to kaibü ikei kümbü thüka bunyu yeitikei; nyi ajanjan pendou haoeibü you phanga phokukei: 7sanlon hoba masu pongsu pendou, hoba tokei yamkabü meisiau, 8mühkabü aushuong, hoba yungnyu kabü ngau, yungnyu lamnyu ka danbü ai ong pendou. 9O seneibü Abou, kaodak pendoua kaibü nyen aeibou hatlamoklabü che ki!
