መዝሙር 8

8 ¹ጌታ አባታችን ሆይ፤ ስምህ በምድር ሁሉ እንዴት ግሩም ነው! ክብርህን ከሰማያት በላይ አኖርህ። ²ጠላትንና ተበቃዩን ዝም ለማሰኘት፣ ከባላጋራዎችህ የተነሣ ከሕፃናትና ከሚጠቡ ልጆች አፍ ኀይልን አጸናህ። ³የጣቶችህን ሥራ የሆነውን ሰማያትህን፣ ያኖርሃቸውን ጨረቃንና ከዋክብትን ሳስተውል፣ ⁴ታስበው ዘንድ ሰው ምንድን ነው? ትጎበኘው ዘንድስ የሰው ልጅ ምንድን ነው? ^a a v4 የዕብራውያን መልእክት ጸሓፊ እነዚህን ቃላት ለኢየሱስ ይጠቅሳቸዋል — ለጥቂት ጊዜ ከመላእክት ያነሰ ሆኖ፣ ከዚያም በክብርና በሞገስ ዘውድ የተቀዳጀ የሰው ልጅ (ዕብራውያን ፪፥፮-፱)። ⁵ነገር ግን ከሰማያውያን ፍጡራን ጥቂት አሳነስኸው፤ በክብርና በሞገስም ዘውድ ጫንህለት። ⁶በእጆችህ ሥራ ላይ አገዛዝ ሰጠኸው፤ ሁሉን ነገር ከእግሮቹ በታች አደረግህ፦ ⁷በጎችንና በሬዎችን ሁሉ፣ የዱር አራዊትንም ጭምር፣ ⁸የሰማይ ወፎችን፣ የባሕር ዓሦችንም፣ በባሕር መንገዶች የሚመላለሰውን ሁሉ። ⁹ጌታ አባታችን ሆይ፤ ስምህ በምድር ሁሉ እንዴት ግሩም ነው!