Anian a Naindaklan ti Naganmo
Para iti mangidadaulo iti musika: segun iti Gittit. Maysa a salmo ni David.
Bayat nga agkitkita iti langit iti rabii, mapagduaduaan ti salmista no apay a daytoy a Namarsua iti bulan ken bituen ket mangpaliiw kadagiti kasta kabassit a parsua. Ti sungbat ket saan a dakkel dagiti tao, no di ket kinoronaan ida ti Amatayo iti dayaw ken inted kadakuada dagiti aramidna.
8 1O Amami a Mangituray, anian a naindaklan ti naganmo iti intero a daga! Inkabilmo ti dayagmo iti ngato dagiti langit. 2Manipud iti ngiwat dagiti ubbing ken dagiti pasusuken, impasdekmo ti pigsa, gapu kadagiti kabusormo, tapno pagulimekmo ti kabusor ken ti manangibales. 3No kitaek dagiti langitmo, ti aramid dagiti ramaymo, ti bulan ken dagiti bituen nga insaadmo, 4ania ti sangatauan nga ipapanunotmo ida, ti anak ti tao nga ay-aywanam? a a v4 Inaramat ti nagsurat iti Hebreo daytoy a sasao ken Jesus — ti Anak ti Tao a pinagbalin a nababbaba ngem dagiti anghel iti apagbiit, kalpasanna kinorona iti dayag ken dayaw (Hebreo 2:6-9). 5Ngem pinagbalinmo isuna a bassit laeng a nababbaba ngem dagiti nailangitan a parsua ket kinoronaam isuna iti dayag ken dayaw. 6Intedmo kenkuana ti turay kadagiti aramid dagiti imam; inkabilmo amin a banag iti sirok dagiti sakana: 7amin a karnero ken baka, ken pay dagiti atap nga animal, 8dagiti billit iti langit, ken dagiti ikan iti baybay, ti aniaman a lumasat kadagiti dalan dagiti taaw. 9O Amami a Mangituray, anian a naindaklan ti naganmo iti intero a daga!
