Apuni laga nam kiman mohan ase
Gayan cholawta nimite: Gittith laga dhun te. David laga ekta bhajan.
Rati laga akash ke saikene, bhajan likha jon puche, chand aru tara khan ke Bonai diya Jon kele etu saru jibon khan ke dhyan dibo. Jowab tu etu nohoi je manuh khan dangor ase, kintu amikhan laga Pitri taikhan ke sonman laga mukut pindhai dise aru Tai laga kam khan taikhan ke di dise.
8 1He amar Raja Pitri, Apuni laga nam pura prithibi te kiman mohan ase! Apuni laga mohima akas khan uporte rakhi dise. 2Chutu bacha aru dudh khai thaka bacha khan laga mukh pora, Apuni laga dushman khan karone, dushman aru badla luwa manuh ke chup koribole, Apuni takot thik korise. 3Jitia moi Apuni laga akas khan ke sai, juntu Apuni laga anguli laga kaam ase, chand aru tara khan, juntu Apuni thik jagate rakhise, 4manuh to ki ase je Apuni tarkhan ke mon te rakhe, manuh laga putro to ki ase je Apuni tar laga chinta kore? a a v4 Hebrews likha manuh pora eitu kotha khan Jisu nimite cholai — Manuh laga Putro kun ke olop homoi nimite sorgoduth khan pora niche korise, titia pichete mohima aru sonman laga mukut pindhai dise (Hebrews 2:6-9). 5Hoilebi Apuni tar ke sorgo laga jibon khan pora olop niche banaise aru tar ke mohima aru sonman laga mukut pindhai dise. 6Apuni laga hath laga kaam khan uporte Apuni tar ke raj dise; sob jinis tar bhori nichete rakhi dise: 7sob mer aru goru, aru jongol laga janwar khan bhi, 8akas laga chiriya khan, aru samundar laga maas khan, ji samundar laga rasta khan te berai phure. 9He amar Raja Pitri, Apuni laga nam pura prithibi te kiman mohan ase!