Kethozo Mevo, Kethozo Kemelü
Bethel mikoe mi süva, uko mevo ba hiyi küto me ketso. Ketso retu: tetse 70 mevo keta süo uko netho la zo, ha Po la mozo. Theva saju kepomiko talü pu kenüo süo ketho zapozale, kükhrü, mu samepü, po mozüko, küdimi, mu sekemo mi kemethu thi kemo zo.
Ha Po verse hikolü po ba 5–6, 9–10, 13–14
7 1Darius kedeo tütse dao lü, tekhri 9-o Chislev tüsozho dao lü, ha Po jü Zecho ce vorita. 2Bethel miko Sharezer mu Regem-melech mu uko mi süva, ha Po celü kenü mülo süce, 3mu tüyo krodeko ha Po celü thevoko mu saju kepomiko ce ketso, “Tetse kekro mode I thita bi, tekhri pünguo lü I krade mevo süto me?”
4Süsa tüyo krodeko ha Po jü ace vorita:
5Cejü miko metü mu thevoko ce posü: Tetse mi hethüna hiko lü, neko tekhri pünguo mu thünao lü mevo mu mezhe keta lize, neko tsühi alano mevo keta zo me? a a v5 Tekhri pünguo mevoe, Babylon mikoe Solomon kereshü thü keta sala rekra süo zo; tekhri thünao mevoe, Judah kedeko lüsü Gedaliah dokhriva keta sala rekra süo zo. 6Neko ti mu kra keyice, neko umelano ti mu kra keyi mome?
7Jerusalem mu pükhü kewhi nadeko ba mu thelü kerüyi lü keta lize, mu Negev mu sükhüko lü thüma kehü keta lize, hiko ha Poe theva saju kepomiko talü zhopo keta jüko mome?
8Süsa ha Po jü Zecho ce vorita:
9Tüyo krodeko ha Poe po die: Kethozo khüpo thiyite; panyoparo mphrü mu phimezhe sheyite. 10Samepü, po mozüko, sekemo mi, mu küdimiko kemethu thi tahite; mu neko umelü panyoparo kesu thi ketola kemethu tahite.
11Vele uko reni mela va, püzü kemelita uko che rügü keta, mu uko reni muta ketola uko niko meka yita. 12Uko umelü utsü bi kha thita, tüyo krodeko ha Poe pü Rüpü talü theva saju kepomiko talü ketsü zü mu jü reni mela va. Süla tüyo krodeko ha Po celü lekhu kekro vorita.
13“I cü bade uko reni muta bi, sübi uko cü keyice I ri reni muta,” tüyo krodeko ha Poe po zita. 14Uko semo shuyeko metü lü, I uko tükhra kerü talü süva. Uko salü cejü kemeka keta, mipüri tavo zü mu vori mu vo kemota. Sübi uko cejü kenüo kümüthu thita.
