Kathukawui Eina
Kāwui laa.
Kaho kapā eina, awui Avāli ngāhāngāk akha tungli kachān seihor: nana morei saikora zangmi mashunlakha, kana ngaleimāra? Mayoi mingkhaina ngacheekhavai chi phā ngasak. Ngarakhavai chi zingkum kharakhamayo mibingna ngaronsha kharāk khavai kakhaoya thāda.
130 1Kathukawui eina nali ina ngakaowa, O iwui Avā.
2O Avā Sāshapa, iwui akhon shāmilu; iwui kapokhon nāshungmilu.
3Nana, O iwui Avā, moreibing shānkhuiakha, O Avā Sāshapa, khipāna nganinglengra? 4Kha nali pheokhami lei, chieina nali ngachee khangasakra.
5Ina iwui Avāwui vang ngaraili; imanglāna ngaraili, kala awui tuili ina chihānra. 6Khamayonabingna ngathorwui vang khangarai lāngmeida, khamayonabingna ngathorwui vang khangarai lāngmeida, imanglāna Avā Sāshapawui vang ngaraili.
7O Israel, ithumwui Avāli chihānlu, kaja ithumwui Avāli makhangachei leikashi lei, kala awuili makhavāta ngatangkhami lei. 8Kala ana khalattana Israelli awui morei saikorawui eina ngatangkhuira. a a v8 Avāwui awui mibingli athumwui morei saikorawui eina ngatangkhui khavai ngashit chi Jishuli ungshungmihaira; a china awui mibingli athumwui morei eina huikhami khavaiwui vang ming kasā.
