Israelwui Kharing Samphangwui Laa
Kaserwui Laa.
Israelna khakhan ngayāng kalei ngarong kahai mi akha thāda hāng, ali kaso kahabingna awui kakhamtungli lui kahak khuitholāhai kha maso mangasāmhai. Ngakao kahai chi luiwui kasāo: shimtungwui ngachak thāda leiranu, kakhui mangāranglakha khārkahai, lamkhakhui mi akhana sokhami khavai pamkhami maleila.
129 1"Nganuilakha eina thuida athumna ili phungmatailak chotngasakhaira"—da Israelna arui hāngranu. 2"Nganuilakha eina thuida athumna ili phungmatailak chotngasakhaira, kha athumna ili mayuipaimana. 3Seiot kasingabingna iwui phimtungli saosanghaira; athumna athumwui hu longngasaka." 4Ithumwui Avā khamashungana; ana makhayābingwui khara̱bing kakkhuihaira.
5Zionli yangkakharingabing saikorali pa̱ngapāda latung ngasakmilu. 6Athumli shimtungli khawo thāda sāngasakmilu, chi maphorkhuiranglakha ngahuithat kahaina, 7chi mā kahātana apāng maserpaimana, mā lanji kazipanala apāngthei maserpaimana, 8kala kānthuibing chinala mahāngmara, "Ithumwui Avāwui sokhami nathumtungli tāshungranu! Ithumwui Avāwui ming eina ithumna nathumli somira."
