Israel langkei kienbü chia
Angshang chia.
Israel satenbü müt tegü dang lauda, kao moubü shuongei haoeibü thi thüka moubü kou longan moukei lausikei touje athükkei. Theyobü janbü kho langkeibü ki: haoen chemdak thüka sang tegü yeishima, youshou kheibü phatko pungtibü, aoyou dang satbou cheei haoen thüka haülabü ngüh alaulabü.
129 1“Haoenei ngo kü mütao ka aeibou khonkukei,” dogo tou Israelei laushi. 2“Haoenei ngo kü mütao ka aeibou khonkukei, lausikei haoenei ngo khulimbo athükkei. 3Kao moubü shuongei ngeibü thi thüka moukei; haoenei haoeneibü moubü kou longtikei.” 4seneibü Bou kho saopobü ki; haoei amaibü shuongeibü namlüh lipan apbukei.
5Zion to mangsenbü pendou himouko kishima hoba nyibou sepeinyu ngaitishima. 6Haoen chemdak thüka sang tegü yeishima, kho pungbü shaangla yuida, 7khoei latbouei haoeibü ik ashentila, ayingsi youshou yoshaibouei haoeibü ikmang ashentila, 8hoba dang satbü shuongei alauda, “seneibü Boueibü haülabü kan thüka kishima! Künei seneibü Bou nyena kan haükuda.”
