Haoeibü Lamnyua Paibü
Khüto angbü chia.
Seneibü Bouei chalou chalou chemdangbü langkeia haübü sakkukei: kaibü ikei labou hek shaubü, maihekbü semlüh tegübü yak, khümsok kaijembo oliv shoong tegübü shousi shuong. Khümet thükto kho sangnyu naangmaibü hoba shisi shousi thüka yaangentikei, hoba Israel thüka sangmaiei lembei.
128 1Seneibü Bou to soumo hatko haoeibü lamnyua paibü müt pendou olinbou.
2Kaibü ik labou hek nyi shaulabü; no haükulabü, hoba no maian kilabü. 3Kaibü yak kaibü chema maihekbü semlüh tegü kilabü; kaibü shousi shuong kaibü khümsok kaijembo oliv shoong tegü kilabü. 4Chühashi, seneibü Bou to soumo hatbü müt kho hima haükuda.
5Seneibü Bouei Zion ka no haükushi; kaibü langkei salang sünga Jerusalem naangmaibü no hapashi, 6hoba kaibü shisi shousi no hapashi. Israel thüka sangmai kishi.
