Zaburi 128

128 ¹ Heri kila mtu amheshimuye Baba yetu, aendaye katika njia zake.

² Utakula matunda ya kazi ya mikono yako; utabarikiwa, na mambo yatakwenda vema kwako. ³ Mke wako atakuwa kama mzabibu uzaao ndani ya nyumba yako; watoto wako kama miche ya mizeituni kuizunguka meza yako. ⁴ Tazama — hivyo ndivyo mtu amheshimuye Baba yetu atakavyobarikiwa.

⁵ Baba yetu akubariki kutoka Sayuni; upate kuuona ufanisi wa Yerusalemu siku zote za maisha yako, ⁶ tena upate kuwaona watoto wa watoto wako. Amani iwe juu ya Israeli.