Tar laga rasta te berai thaka
Upor te uthi jua laga gana ekta.
Hodai din laga ghor laga jibon uporte amar Pitri laga asirbad: nijor hath pora kaam kori kene pai juwa khana khowa, phol diya angur laga lota nisena ekjon maiki, aru khana laga mez ghirai jolpai laga notun gash nisena bacha khan. Sesh te etu sheher laga bhal aru nati-natin tak dangor hoi, aru Israel uporte shanti pora khotom hoi.
128 1Kun manuh amar Pitri ke sonman kore aru Tar laga rasta te berai thake, hei manuh asirbad pua ase.
2Tumi tumar hath laga kaam laga phol khabo; tumi asirbad pabo, aru tumar karne sob bhal hobo. 3Tumar maiki tumar ghor bhitor te phol dhora angur lota nisina hobo; tumar bacha khan tumar mez laga usor te jaitun gash laga notun gojali khan nisina hobo. 4Sabi—kun manuh amar Pitri ke sonman kore, hei manuh eneka asirbad pua ase.
5amar Pitri he Sion pora tumi ke asirbad dibo; tumar jiwon laga sob din te tumi Jerusalem laga bhal thaka dikhibo, 6aru tumi tumar bacha khan laga bacha khan ke dikhibo. Israel uporte shanti thakibo.