Awui Shongfali Kazata
Kausawui laa.
Ithumwui Avāwui sokhami shimlung kharingwui tungli: nawui pangna sāgāk kahai kasāi, nawui avāng angur marān kathei thāda, nawui naobing oliv thingrong thāda shimkhong khakhum. Kahang thāngli ramwui ngasāmsang kala naobingwui naobing chida ngayungkhui, kala Israelwui tungli ngasāmsang eina chiharkhui.
128 1Ithumwui Avāli khayāshiya, awui shongfali kazata mi kachiva̱ chi sokhami ngasāranu.
2Nawui pāngwui ot kasāwui athei nana shaira; na sokhami ngasāranu, kala nawui vang kaphā ngasāra. 3Napreiva̱ chi nawui shimlungli athei khamatheiya drakhārong thāra; nanaongarā chi nawui table kuimareida olive ashon thāra. 4Yanglu, ithumwui Avāli khayāshiya mi chi hithāda sokhami ngasāra.
5Ithumwui Avāna Zionwui eina nali somiranu; Jerusalemwui mataikasang nawui mirin peida nana theiranu, 6kala nanao naongarā nana theiranu. Israel chingrihairanu.
