Kotambola na banzela na Ye
Loyembo ya komata.
Lipamboli ya Tata na biso likoló na bomoi ya ndako ya mokolo na mokolo: kolia oyo maboko na yo ebimisi, mwasi lokola nzete ya vino oyo ebota, bana lokola bambuma ya nzete ya olive zingazinga ya mesa. Ekoli na nsuka kino na bolamu ya engumba mpe bana ya bana, mpe esilisi na kimia likoló na Isalaele.
128 1Esengo na moto nyonso oyo azali kokumisa Tata na biso, oyo azali kotambola na banzela na Ye.
2Okolia mbuma ya mosala ya maboko na yo ; okopambolama, mpe makambo makokende malamu mpo na yo. 3Mwasi na yo akozala lokola nzete ya vinyo oyo ebotaka mbuma kati na ndako na yo ; bana na yo lokola bitape ya olive zinga-zinga ya mesa na yo. 4Tala — boye nde moto oyo azali kokumisa Tata na biso apambolami.
5Tika ete Tata na biso apambola yo longwa na Siona ; tika ete omona bolamu ya Yerusalemi mikolo nyonso ya bomoi na yo, 6mpe tika ete omona bana ya bana na yo. Kimia ezala likolo ya Isalaele.
