Yungnyu Haübü Ka
Angbü chia che.
Yungnyu haübü ka, haoeibü Bou to phebü ngüh che danko settibü welau: nyi shabü khauang longalonga, aoei loula thük? Angngaibüei ongkei hatkubü thükla kümda. Chüheibü kho lapheibü shuongei chalou ngeyang sühko chüheibü tokei ki.
130 1Yungnyu haübü ka ngei ka to ngekda, kü Bou.
2O Bunyubou, ngeibü ngüh ditshi; ngeibü subüjabü to nepbo nou haangashi.
3Nyi, kü Bou, shabü khauang longalonga, O Bunyubou, ao loula thükla? 4Lausikei nyi yoa shabü apbubü ki, kheijinei no to hatkulabü.
5Ngei kü Bou chüheida; ngeibü soushou chüheida, hoba haoeibü ngüha ngei maanglemda. 6Ngeibü soushouei Bunyubou shanga, lapheibü shuongei ngeyang chüheibü tokei aei chüheida, lapheibü shuongei ngeyang chüheibü tokei aeibou chüheida.
7O Israel, seneibü Bou la maanglemashi, aishanga seneibü Bou yoa üeisanou ki, hoba hao yoa angngaibü juong ki. 8Hoba haoei lolo Israel haoeneibü shabü pendou ka angngailabü. a a v8 Bouei hao mütli haoeneibü shabü pendou ka angngailabü dogo theletbü kho Jisua haüthüktikei, aoei hao mütli haoeneibü shabü ka khümenla shanga nyen kukei.
