ਡੂੰਘਿਆਈਆਂ ਵਿੱਚੋਂ
ਯਾਤਰਾ ਦਾ ਗੀਤ।
130 1 ਡੂੰਘਿਆਈਆਂ ਵਿੱਚੋਂ ਹੇ ਮੇਰੇ ਪਿਤਾ, ਮੈਂ ਤੈਨੂੰ ਪੁਕਾਰਦਾ ਹਾਂ।
2 ਹੇ ਪ੍ਰਭੂ ਪਿਤਾ, ਮੇਰੀ ਅਵਾਜ਼ ਸੁਣ; ਮੇਰੀਆਂ ਦਯਾ ਦੀਆਂ ਬੇਨਤੀਆਂ ਵੱਲ ਧਿਆਨ ਨਾਲ ਕੰਨ ਲਾ।
3 ਹੇ ਮੇਰੇ ਪਿਤਾ, ਜੇ ਤੂੰ ਪਾਪਾਂ ਦਾ ਲੇਖਾ ਰੱਖਦਾ, ਤਾਂ ਹੇ ਪ੍ਰਭੂ ਪਿਤਾ, ਕੌਣ ਖੜ੍ਹਾ ਰਹਿ ਸਕਦਾ? 4 ਪਰ ਤੇਰੇ ਕੋਲ ਮਾਫ਼ੀ ਹੈ, ਤਾਂ ਜੋ ਤੇਰਾ ਭੈ ਮੰਨਿਆ ਜਾਵੇ।
5 ਮੈਂ ਉਡੀਕ ਕਰਦਾ ਹਾਂ ਆਪਣੇ ਪਿਤਾ ਦੀ; ਮੇਰੀ ਜਾਨ ਉਡੀਕ ਕਰਦੀ ਹੈ, ਅਤੇ ਮੈਂ ਉਸ ਦੇ ਬਚਨ ਉੱਤੇ ਆਸ ਰੱਖਦਾ ਹਾਂ। 6 ਮੇਰੀ ਜਾਨ ਪ੍ਰਭੂ ਪਿਤਾ ਦੀ ਉਡੀਕ ਕਰਦੀ ਹੈ, ਪਹਿਰੇਦਾਰਾਂ ਦੇ ਸਵੇਰ ਦੀ ਉਡੀਕ ਕਰਨ ਨਾਲੋਂ ਵੀ ਵੱਧ, ਹਾਂ, ਪਹਿਰੇਦਾਰਾਂ ਦੇ ਸਵੇਰ ਦੀ ਉਡੀਕ ਨਾਲੋਂ ਵੀ ਵੱਧ।
7 ਹੇ ਇਸਰਾਏਲ, ਸਾਡੇ ਪਿਤਾ ਉੱਤੇ ਆਸ ਰੱਖ, ਕਿਉਂ ਜੋ ਸਾਡੇ ਪਿਤਾ ਕੋਲ ਨੇਮ ਦਾ ਪ੍ਰੇਮ ਹੈ, ਅਤੇ ਉਸ ਕੋਲ ਭਰਪੂਰ ਛੁਟਕਾਰਾ ਹੈ। 8 ਅਤੇ ਉਹ ਆਪ ਇਸਰਾਏਲ ਨੂੰ ਉਸ ਦੇ ਸਾਰੇ ਪਾਪਾਂ ਤੋਂ ਛੁਡਾਵੇਗਾ। a a v8 ਪਿਤਾ ਦਾ ਆਪਣੇ ਲੋਕਾਂ ਨੂੰ ਉਨ੍ਹਾਂ ਦੇ ਸਾਰੇ ਪਾਪਾਂ ਤੋਂ ਛੁਡਾਉਣ ਦਾ ਵਾਅਦਾ ਯਿਸੂ ਵਿੱਚ ਪੂਰਾ ਹੁੰਦਾ ਹੈ, ਜਿਸ ਦਾ ਨਾਮ ਇਸ ਲਈ ਰੱਖਿਆ ਗਿਆ ਕਿ ਉਹ ਆਪਣੇ ਲੋਕਾਂ ਨੂੰ ਉਨ੍ਹਾਂ ਦੇ ਪਾਪਾਂ ਤੋਂ ਬਚਾਵੇ।
