Katuka na Mabulu ya Nda
Nkunga ya kutombuka na zulu.
Katuka na mabulu ya nda, lusambulu yina ke tudila na dyambu mosi yina yandi ke yufula Tata ya yandi: kana nge vwandaka tanga masumu, nani lenda telama? Mulemvo ni yawu ke pesaka nzila ti boma ya Nzambi kuvwanda. Kuvingila ke fwanikisa na minkebi ya mpimpa yina ke tanga bangunga tii na suka.
130 1Katuka na mabulu ya nda, mu ke bokila nge, Tata ya munu.
2Tata Mfumu, kuwa ndinga ya munu; fungula makutu na biyawula ya munu ya kyadi.
3Kana nge, Tata ya munu, vwandaka tanga masumu, Tata Mfumu, nani lenda telama? 4Kasi mulemvo kele na nge, samu ti bantu kuvwanda na boma ya nge.
5Mu ke vingila Tata ya munu; mwela ya munu ke vingila, mpe mu ke tula kivuvu ya munu na mambu ya yandi. 6Mwela ya munu ke vingila Tata Mfumu kuluta minkebi yina ke vingila suka, kuluta minkebi na suka.
7Isayeli, tula kivuvu ya nge na Tata ya beto, samu ti luzolo ya ngwisani kele na Tata ya beto, mpe nkuudulu ya mingi kele na yandi. 8Mpe yandi mosi ke kuula Isayeli na masumu nyonso ya Isayeli. a a v8 Lusilu ya Tata ya kuula bantu ya yandi na masumu nyonso ya bawu me lungana na Yesu, yina ba pesaka nkumbu samu na kuvuukisa bantu ya yandi na masumu ya bawu.