From Inside di Deep Deep Place
Na Song of Ascents.
130 1 From inside di deep deep place I dey cry to you, my Papa.
2 Oga Papa, hear my voice; put ear well well to di way I dey beg for mercy.
3 If you, my Papa, bin dey keep record of sin, Oga Papa, who fit stand? 4 But forgiveness dey for your hand, so dat people go fear you.
5 I dey wait for my Papa; my soul dey wait, and na for im word I put my hope. 6 My soul dey wait for Oga Papa pass how watchmen dey wait for morning, pass watchmen wey dey wait for morning.
7 Israel, put your hope for our Papa, because na for our Papa hand Covenant love dey, and na for im hand plenty redemption dey. 8 And na im gohsef go redeem Israel comot from all Israel im sins. a a v8 Di Papa im promise to redeem im people comot from all dia sin, na Jesus fulfill am, di one wey dem name so dat e go save im people from dia sins.
