Tarok Nungi
Tuba Ken.
Tarok nungi sarasadem ka, pa Bu dang kaket madak noktaka: nai temenen tangar süra, shibai noktaktsü? Na den temenen atokba lir, oda nisungi na tsübutsü. Ataba ya mitertemi anepdang asoshi ataba ama lir, anü noktsü tashi.
130 1Oh Oba, tarok nungi ni na dang ayimtener.
2Oh Oba, kü ola angangma; kü temepitemba meranga angangma.
3Oba, nai temenen tangar süra, Oh Oba, shibai noktaktsü? 4Saka na den temenen atokba lir, oda nisungi na tsübutsü.
5Kü Bu asoshi ni atar; kü nela atar, aser pa o nung ni imlar. 6Kü nela, mitertemi anepdang asoshi ataba dang nungi tali, Tebu asoshi atar; mitertemi anepdang asoshi ataba dang nungi tali atar.
7Oh Israel, asen Tebu nung imlaang; kechiaser asen Tebu den temeim yimlibilem lir, aser pa den tabensa alangzükba lir. 8Aser pai pei sasa Israel pei temenen ajak nungi alangzüktsü. a a v8 Tebu pei nübur parnok temenen ajak nungi alangzüktsü ta nangzükbaji, pei nübur parnok temenen nungi kümzüktsü asoshi tenüng azükba Yisu nung ataloka ayu.