Nciye mu bwina
Ururirimbo rwo kuduga.
Ari mu manga, isengesho rishingiye ku kibazo kimwe abaza Data wiwe: iyo wandika ibicumuro, ni nde yohagarara? Imbabazi ni zo zituma bishoboka ko umuntu akubaha. Ukurindira kugereranywa n'abazamu b'ijoro baharura amasaha gushika bukeye.
130 1Nciye mu bwina ndagutakambira, Data wanje.
2Data Mukama, numva ijwi ryanje; tega ycompe ugutakamba kwanje ngusaba imbabazi.
3Iyo wewe, Data wanje, wandika ivyaha mu gitabo, Data Mukama, ni nde yari kwihagararaho? 4Ariko iwawe hariyo imbabazi, kugira ngo utinywe.
5Ndindiriye Data wanje; umutima wanje urarindiriye, kandi mw’ijambo ryiwe nshizemwo icizigiro canje. 6Umutima wanje urindiriye Data Mukama kuruta uko abarinzi barindira umutwenzi, egome kuruta abarinzi barindira umutwenzi.
7Isirayeli, shira icizigiro cawe kuri Data wa twese, kuko kuri Data wa twese ari ho hari urukundo rw’isezerano, kandi iwiwe hari ugucungurwa kwinshi. 8Kandi we ubwiwe azocungura Isirayeli mu vyaha vyose vya Isirayeli. a a v8 Isezerano rya Data wa twese ryo gucungura abantu biwe mu vyaha vyabo vyose rishitswa muri Yesu, uwitiriwe izina ngo akize abantu biwe mu vyaha vyabo.
