Zaburi 130

130 ¹ Kutoka vilindini nakulilia wewe, Baba yangu.

² Baba Mwenye Enzi, sikia sauti yangu; tega sikio kwa dua zangu za huruma.

³ Kama wewe, Baba yangu, ungehesabu maovu, Baba Mwenye Enzi, ni nani angeweza kusimama? ⁴ Lakini kwako kuna msamaha, ili upate kuogopwa.

⁵ Ninangoja Baba yangu; nafsi yangu inangoja, na katika neno lake naweka tumaini langu. ⁶ Nafsi yangu inamngojea Baba Mwenye Enzi kuliko walinzi wangojeavyo asubuhi, naam, kuliko walinzi wangojeavyo asubuhi.

⁷ Ee Israeli, weka tumaini lako kwa Baba yetu, kwa maana kwa Baba yetu kuna upendo wa agano, na kwake kuna ukombozi tele. ⁸ Naye mwenyewe atamkomboa Israeli na maovu yake yote. ^a a v8 Ahadi ya Baba ya kuwakomboa watu wake na dhambi zao zote inatimizwa katika Yesu, aliyepewa jina hilo ili kuwaokoa watu wake kutoka dhambi zao.