Gobhir Pora
Uporte uthi juwa laga gana ekta.
Gehera jaga pora, tar Pitri ke sudha ek-ta prosno uporte rakha ekta prarthana: jodi Tumi paap khan laga hisab rakhe, kun khara hobole paribo? Maaf kora pora he bhoi-sonman thakibo pare. Rukhi thaka ke rati pahara diya manuh khan nisena koise, jun khan puwa nahua tak ghanta gini thake.
130 1Gobhir jagah pora moi Apuni ke mati ase, moi laga Pitri.
2Sorbo-saktiman Pitri, moi laga awaj huni bi; doya nimite moi laga binti khan ke bhal pora dhyan di kene huni bi.
3Jodi Apuni, moi laga Pitri, paap khan laga hisab rakhile, Sorbo-saktiman Pitri, kun khara koribo paribo? 4Kintu Apuni logot te maph kora ase, titia Apuni ke bhoi koribo.
5Moi moi laga Pitri nimite rukhi ase; moi laga atma rukhi ase, aru Tar laga kotha te moi asha rakhi ase. 6Moi laga atma Sorbo-saktiman Pitri nimite rukhi ase, pahara diya manu khan phojur nimite rukhi thaka pora bhi bisi, pahara diya manu khan phojur nimite rukha pora bhi bisi.
7He Israel, amar Pitri te asha rakhi bi, kilemane amar Pitri logot te vachan laga morom ase, aru Tar logot te bisi mukti ase. 8Aru Tai nijor he Israel ke Israel laga sob paap khan pora udhar koribo. a a v8 Pitri pora Tar manu khan ke tarkhan laga sob paap khan pora udhar koribole diya vachan tu Jisu te pura hoise, aru Jisu ke Tar manu khan ke tarkhan laga paap khan pora bachabole nimite nam dise.