Tyeni ne po sapdaetap Israel
Tyeni ne po togostaet.
Ng'alaali Israel koek chiito ne kasaru, komwaei icheek che ki bat poroonik che koo eng' letnyi ago ma koterteera. Chubiset ne saaei ko po mbareet: ingoek icheek susweek che mi kooriik parak, che restos kotomo koeet, ne ma mwaei che siirtoi kole, ingoberuurok.
129 1“Ki nyaliilan miising' kobooch ming'inatennyu”—ingomwa Israel nguno. 2“Ki nyaliilan miising' kobooch ming'inatennyu, ago ma koterteera. 3Ki bat piik eng' letnyu; kiyai ortinwekwak koloo.” 4Kwandanyo ko po iman; kagotil poroonigap kiptengeginik.
5Ingolilandos ak koweeksei let tugul che wechei Zion. 6Ingoek ko uu susweek che mi kooriik parak, che restos kotomo koeet, 7ne ma konyiit eunnyi ne gesei, ama konyiit eunekyik ne yumei peek, 8ak ma mwaei che siirtoi, “Ingomi kaberuretap Kwandanyo eng' okweek! Kiberuurok eng' kainetap Kwandanyo.”