Makana ma luhulusu lwa bisi Kiseledi
Makana ma kutombuka.
Kiseledi wisi zonza hanga wuna wánunga mu munyanga, wisi tanga babeti bana bálima mikoka mila hana mukongu wandi kaasi bánungaku. Mana malombwa kwena bawu menina ma kilanga: bakala hanga khangu ya midilu mya nzu, yina yisi yuma ku thwala ya kukula, yina ka mukangadi wa nzila ku wisi telama mu kusakumuna.
129 1«Banyókuna meni lawu tukidila kileki kyama» — bisi Kiseledi bazimbula buthwena. 2«Banyókuna meni lawu tukidila kileki kyama, kaasi bánungaku meni. 3Balimi bálima hana thandu ya mukongu wama; bakitula mikoka mya bawu mila.» 4Tata wetu wenina wa masonga; wátabula misinga mya batu ba mbi.
5Boosu bana bisi menga Siyoni bayuka tsoni amana babaluka. 6Bakala hanga khangu yina yenina hana midilu mya nzu, yina yisi yuma ku thwala ya kukula, 7Yina wuna wisi hela kásisaku koku dyandi, keti wuna wisi bunda bule kásisaku moku mandi, 8Amana bana bisi luta bazimbulaku: «Lusakumunu lwa Tata wetu lwakala hana thandu yenu! Thwisi lusakumuna mu khumbu ya Tata wetu.»
