Israelmi sürhola tsale
Thovo kelü tsale.
Israel utho natsilü kümüzhie thitapü külaküyipü bi po: a khorolü yi theta mu dzü kekro yi theto kebako pi medi, süri uko füphra khiyi kemola. Uko ce pü kesu hihi yite be pi zo: uko cetu-olü keba nha bi thiyite, kacü küyi mhüzü revi tayo, mu vo ketami thejo po kemola.
129 1“Pukoe a natsilüno a dzü kekro kümüzhie thita” —Israelmi mhace poyite. 2“Pukoe a natsilüno a dzü kekro kümüzhie thita, süri pukoe a yo füphra khiyi kemola. 3Yi ketami a khorolü yi theta; uko theko kekhu thiva.” 4Ha Po kematho zo; Pue kürüzüko kero dathüsü.
5Zion mütsu kehopüri thüma metü menga thiva die regü salavayite. 6Puko pühpra cetu-olü keba nha bi zoyite, süo küyi mhüzü revi tayo, 7yi kerümi pü be mele chu kemola, mori use kekhrümi pü püpüboyo mele chu kemola, 8süri vo ketami mhathi po kemola, “Ha Po thejo neko yo bayite! Hakoe Ha Po zalü neko jopü tsü zo.”
