Ngasāmda khalei nao
Khavāwui laa. Davidwuina.
Ngachāi kasa kateo tuiyakha kathum. Davidna awui Avāli hāngra, ali kahānglāk kahai ngayungbingli ana khakhui khuikahai, kala amāwui ngasoda kahai kateo nao thāda ningngarum kahai—kasāi ngāra da kahap sāmara, pangli khuimi khavai kha ningkhamathāi.
Chapter 131.
131 1Iwui Avā, iwui ningna malangsomana, kala iwui mikyan mahiksormana; iwui vang hakkhamahā kala matakhak kahai otbing chili ina ngalang masāmana. 2Kachangkhat eina, ina imanglāli chingrihai ngasakhaira kala vingasakhaira, ava̱va̱li ngasoda khalei na̱ reikahai nao thāda; na̱ reikahai nao thāda, imanglā iwui wuklungli lei. 3O Israel, arui eina thuida katang mavaila ithumwui Avāli chihānlu.
