Hiak swak thang rwe
Chongdip

Kathuknu Riak Pina

Kai thounu laa gaye.

Kathuknu riak pina, Bapa khou ngaiga rinnu ngaihu khatca chung bi han ongnu hweininu: Nangna noh bing ga kakhan toga amme dabe, tuna han ngam dingbo? Noh kok thangnu gana kachinu ding pi hung thangnu gaye. Ngaak ongnu ga, zingpha mak basaan chakrin dat ongnu zing khaang rwan le dannuwe.

Bung 130.

Apa, kathuknu riak pina eina Nakhou pao ongme.

Pukraangba Apa, Akhwan ga ngaiyo; phaangkriang lang Achap ga bachamga ngaiyo.

Nangna, Apa, noh bing ga kakhan toga amme dabe, Pukraangba Apa, tuna hannu ngam dingbo? Atiyeda Nakhou noh kok thangnu am, heiya Nang ding kachi lang nge.

Eina Apa ding ngaak ongme; Akatha na ngaak ongme, atiga Bachong bi eina bachunne. Barak theinu nunna louthwan ding ngaak ongnu ma le, Akatha na Pukraangba Apa ding ngaak ongme; o, barak theinu nunna louthwan ding ngaak ongnu ma le ngaak ongme.

Israel ga, ani Pa khou bachun toro, balangbe ani Pa khou chonghen kriangnu am, khatle Maan khou inku thounu ran swak thangnu am. Atiga Maan bahakna Israel ding Israel om noh bing zana ran swak thanglune. a a v8 Pa na Bami nun ding bani noh bing zana ran swak thang dingnu karen thang ngaaknu ga, Bami nun ding bani noh bing khouna kanthang lang meng thang ngaaknu Jisu khou tang rwe.