Asung Han Tipnuwe
Laa khat. David om Kalum Laa.
David om kazan laa ni khouna bang karung thang lat ka gaye: louthwan ding pi thou thangnu zingpha laa, haba nung bi Shechem, Gilead khatle Edom lang ani Pa om kazan kabianu. Bani lak pi, misa om kan thangnu ga bathaang maaknu gaye diga karit takka chong khat khatle batak kannu ding kakounu khweini ka amme.
Ani Pa na chongkhak hei bing bi kabia nge 7–9
108 1Apa, asung han tipnu gaye; apum bahak le diga eina laa tolune khatle tamrwang sem tolune. 2Tara khatle lyre, thouro! Eina louthwan ding pi thou thanglune. 3Apa, mi nun lak pi eina Nating swanne; chaat bing lak pi eina Nalang tamrwang sem tolune. 4Balangbe Naom chonghen kriangnu ga lianne, tambaan chung bi basaangnu nge, khatle Naom balumsa ga saangbaan ding tangnuwe.
5Apa, tambaan chung bi pi basaang ka ong ngo, khatle Naom lwat liannu ga talei ram bingza chung bi ong ding ngo. 6Nakut inchangna ani ding kan thang ngo khatle Akhou katako, hagazo Nangna kriangnu bing ding kan thang lang nge.
7Ani Pa na Baom bathiangnu bi rinne, “Kraan ngamna Eina Shechem ding kasemlune khatle Succoth tuiqwa ding badat satlune. 8Gilead ga Aomme, Manasseh ga Aomme; Ephraim ga Aom kraan luthop ye, Judah ga Aom chongsem sungrwanne.
9Moab ga Asilnu tuikhun ye; Edom chung bi Eina Asandal bazwan thang nge; Philistia chung bi Eina kraan ngamna paolune.”
10Tudannu Ei ding han qwatnu namlian khou kai takan dingbo? Tudannu Ei ding Edom khou kai dingbo? 11Ani Pa, ani ding za mak thangnu khatle atun ani om kraanmi rwan le diga thou maknu ga Nang make gabo? 12Munanu ding kraan to lang ani ding paang thang ngo, balangbe misa om kan thangnu ga bathaang maak rwe. 13Ani Pa le diga anina kraan ngamlune, khatle Maanna ani om munanu bing ding kadim kataalune.