Ngeibü Maangpon Kaangkhühtham Kia
Chia che. Dawideibü chia che.
Dawideibü shaangbü nyensang chia nyi phang ka youkoibü: langesao pitibü ngeyang kongkin, kheijinei seneibü Boueibü Shekhem, Gilead hoba Edom thüka haoeibü ki dogo shaangbü laubü. Khü laanga müteibü khümenbü jim aki dogo onoubü ngüh, hoba maimaitham thuikai lamla welaubü loenda.
108 1Kü Bou, ngeibü maangpon kaangkhühtham kia; ngeibü jembü pendouei ngei chia laulabü hoba chia atkulabü. 2Piashi, kongkin si laangkip kongkin! Ngei langesao pitikulabü. 3Kü Bou, ngei ka la phangshuong yoa nyensang kulabü; ngei phang pendou yoa ka la chia atkulabü. 4Aishanga kaibü üeisanou yaangbü ki, khuthük tokei thükkabou kia, hoba kaibü maanglemenbü müh sühko nongan.
5Kü Bou, khuthük thüka yaangentiashi, hoba kaibü soneikangbü kaodak pendou thüka kitiashi. 6Kaibü mae ikei sen khümenshi, hoba nyi sanoubü shuong khümenlabü shanga, kü to jongaishi.
7Seneibü Bouei haoeibü saopobüa laukei, “Thüksimina, Ngei Shekhem jankulabü, hoba Sukkotbü pholi takan chühlabü. 8Gilead ngeibü ki, Manasse ngeibü ki; Efraim kü khun ki, Jihuda kü julo ki.
9Moab kü dei thung ki; Edom thüka ngei ngeibü ngok attilabü; Filistiabü thüka ngei thüksimina ngeklabü.”
10Aoei ngo kümthang sangnyu to leian loulabü? Aoei ngo Edom to leian haulabü? 11Seneibü Bou, shaang sen asungletbü hoba touje seneibü mütshang yoa alongbü kho nyi aying lo? 12Dangbou khulimbo sen to thuikaishi, aishanga müteibü khümenbü jim aki. 13Seneibü Bou yoa senei thükbü haplabü, hoba haoei seneibü dangbou shuong lottilabü.
