Hiak swak thang rwe
Chongdip

Ain Bi Sung Bathiangnu

David om Kalum Laa.

Krwang sa khat om bazan chwansem. Bathaang maaknu thinu ding amik meithaanna pi bai lang, inkamga rin basiatnu ding pi thiap thiap thang lang, balumsa zanu nun chana chwan to lang, mun rinnu khatchale ain bi am thang make lang, khatle louthwan bathin sa maknu mi nun ding namlian khouna kazun sat lang Maanna chongren nge.

Bung 101.

Chonghen kriang khatle bazenu chongsem lang eina laa tolune; Apa, Nang khou eina laa tone. Koi maaknu lampui nung sui lang eina barak theilune. Pa-aam kaan bi Nang akhou hungbo? Eina ain bi sung bathiangga selune. Amik meithaan bi bathaang maaknu thinu khatchale eina thanglaye. Ket basuinu nun om chwan ding eina batanne; haga akhou choitip laye. Bagong cha maknu sung ga akhouna bathan thanglune; eina sa maknu khatchale thei laye. Tudannu inkamga bainnai lounai rwan ding rin basiatnu, maan ding eina pi thiap thiap thanglune; mik kai thounu khatle sung lian tonu mi ding eina khaang laye. Amik ga talei ram om balumsa lang khopnu nun khou ongme, banina ei le diga am lang nge; koi maaknu lampui bi senu maan gana ei lang chwanlaang tolune. Rou sianu chwan tonu maan ga ain bi am ngamlaye; mun rinnu maan ga amik meithaan bi han tip laye. Louthwan bathin talei ram om sa maknu mi nun bingza ding eina pi thiap thiap thangluga, ani Pa om namlian khouna kasianu chwan tonu mi bingza ding kazun sat thanglune.