Uadilifu Ndani ya Nyumba Yangu
Zaburi ya Daudi.
Kanuni za mwenendo za mtawala mwenyewe. Anaahidi kutoweka kitu kisichofaa mbele ya macho yake, kumnyamazisha asingiziaye kwa siri, kuwaajiri waaminifu tu na kutomwacha mwongo yeyote akae nyumbani mwake—na kila asubuhi kuwaondoa watenda maovu katika mji.
101 1Nitaimba juu ya upendo thabiti na haki; kwako wewe, Baba yangu, nitapiga mziki. 2Nitakuwa mwangalifu kuifuata njia isiyo na lawama. Utakuja kwangu lini? Nitakwenda kwa moyo mkamilifu ndani ya nyumba yangu. 3Sitaweka kitu kisichofaa mbele ya macho yangu. Nachukia kazi ya wale waangukao; haitanishikamana. 4Moyo upotovu utaondoka kwangu; sitajua neno la uovu. 5Kila amsingiziaye jirani yake kwa siri, huyo nitamnyamazisha; mwenye macho ya kiburi na moyo wa majivuno sitamvumilia. 6Macho yangu yawaelekea waaminifu wa nchi, ili wakae pamoja nami; yeye aendaye katika njia isiyo na lawama atanitumikia. 7Hakuna atendaye hila atakayekaa ndani ya nyumba yangu; hakuna asemaye uongo atakayesimama imara mbele ya macho yangu. 8Kila asubuhi nitawanyamazisha waovu wote wa nchi, nikimkatilia mbali kila mtenda maovu kutoka mji wa Baba yetu.
