Me basika na mukanda
Dibuku

Kusungama na kati ya yinzo ya munu

Mukunga ya Davidi.

Musiku ya ntinu mosi samu na luzingu ya yandi mosi. Yandi ke sala lukanu na kutula bima ya mpamba ve na ntwala ya meso ya yandi, na kukanga munwa ya muntu yina ke zonzila mpangi yimbi na mansweki, na kubaka kaka bantu ya kukwikama na kisalu mpe na kubika ve ti muntu ya luvunu kuzinga na yinzo ya yandi — mpe konso suka na kukatula bantu ya yimbi na mbanza.

Kapu 101.

Samu na luzolo ya ngwisani mpe ludedomo, mu ke yimbila; na nge, Tata ya munu, mu ke yimbila musiku. Mu ke sala keba na kulanda nzila ya kusungama. Nki ntangu nge ke kwiza na munu? Mu ke tambula na ntima ya kulunga na kati ya yinzo ya munu. Mu ke tula ata kima ya mpamba ve na mantwala ya meso ya munu. Mu ke yina kisalu ya bayina ke bikaka nzila; yawu ke kangama na munu ve. Ntima ya mbi ke katuka na munu; mu ke zaba ata dyambu ya yimbi ve. Muntu yina na mansweki ke zonzila mpangi na yandi yimbi, yandi, mu ke kanga yandi munwa; muntu yina kele na meso ya lunangu mpe ntima ya lulendo, mu ke vibidila yandi ve. Meso ya munu kele na bantu ya kukwikama ya yinsi, samu ti bawu kuzinga kisika mosi na munu; muntu yina ke tambula na nzila ya kusungama ke sadila munu. Ata muntu mosi yina ke salaka luvunu ke zinga na kati ya yinzo ya munu ve; muntu yina ke tubaka mambu ya luvunu ke telama ngolo na mantwala ya meso ya munu ve. Konso suka mu ke kanga munwa ya bantu ya yimbi nyonso ya yinsi, na kukatula konso muntu ya ke salaka yimbi na mbanza ya Tata ya beto.